Framsækin tillaga

Tillaga Tryggva Þórs Herbertssonar hagfræðings og frambjóðanda sjálfstæðismanna til þings er ansi Framsækin.

Tillagan gleður okkur Sigmund Davíð ósegjanlega og ýtir undir þá skoðun okkar að betra sé að vera með öllum og á móti öllu ef því er að skipta.

Tryggvi Þór: 20% af skuldum heimilanna verði felldar niður

Athugasemdir

[Púkinn, 16.3.2009 kl. 16:33]

Það eru margir sem eru fullfærir um að borga af skuldum sínum - af hverju eiga þeir líka að fá þennan 20% afslátt?  Af hverju eiga þeir sem geta borgað skuldir sínar ekki að gera það?

Síðan er það svo sú siðferðislega spurning hvort réttlátt sé að kostnaðurinn við þessa aðgerð lendi á endanum á þeim sem hafa sýnt ráðdeild og ekki steypt sér í skuldir sem þeir ráða ekki við.  Hvers vegna á að refsa þeim?

[Gunnar Th. Gunnarsson, 16.3.2009 kl. 16:39]

Ég hafði einmitt efasemdir um að þessi tillaga væri raunhæf og of dýr. En í Silfrinu á sunnudaginn kom fram hjá Sigmundi að ASG þætti þetta skoðunarvert með nánari útfærslu og framsókn óskaði einmitt eftir tillögum um það. En vinstriflokkarnir sem öllu ætla að bjarga vildu ekki ræða þetta frekar, enda alveg blankir í sinni hugmyndafræði.

[Heimir Lárusson Fjeldsted, 16.3.2009 kl. 16:54]

Hugmyndin er ekki nrsk.

[Gunnar Th. Gunnarsson, 16.3.2009 kl. 17:14]

Nei, hún er víst upphaflega frá Tryggva kominn og framsókn skreytti sig með henni. En það hlýtur að vera hægt að útfæra hugmyndina eitthvað frekar, þannig að sem flestir verði sáttir.

[Loftur Altice Þorsteinsson, 16.3.2009 kl. 21:08]

Ég tel þessa hugmynd um 20% niðurfellingu skulda vera afspyrnu slæma. Þeir sem borga þessa niðurfellingu er væntanlega almenningur í gegn um ríkissjóð, eða bankana. Þá er enn eina ferðina verið að verðlauna stærstu skuldarana. Þar að auki er Alþjóðagjaldeyrissjóðurinn (AGS) búinn að hafna þessu.

Til er mikið betri lausn , sem kemur öllu hagkerfinu til góða. Þetta er upptaka nýs innlends gjaldmiðils undir myntráði. Ef US Dollar er metinn á 90 Krónur í stað 112 Krónur, sem er núverandi gengi, erum við að keyra verðbólguna til baka um 20% (90/112= 80%).

Með þessu móti erum við að lækka um 20% allar skuldir sem eru gengistryggðar og vísitölutryggðar skuldir um eitthvað í áttina að 20%. Að auki getum við skilað mestu af lánum AGS og losnað við þann gríðarlega vaxtakosnað sem þau munu valda okkur.

[Heimir Lárusson Fjeldsted, 16.3.2009 kl. 21:23]

Athygliverð hugmynd Loftur.

Hvað myndir þú nefna nýja gjaldmiðilinn ? Spruðl?

Sem er nýyrði og þýðir að spreða og bruðla.

Í einu spruðli væru 10 spreð.

[Loftur Altice Þorsteinsson, 16.3.2009 kl. 21:43]

Heimir, hugmyndin um Myntráð gengur út á hagsýni og ráðdeild, þannig að nýyrðið þitt er öfugmæli. Reyndu að finna eitthvað betra.

[Heimir Lárusson Fjeldsted, 16.3.2009 kl. 22:44]

Legg haus í bleyti.

[Gunnar Th. Gunnarsson, 17.3.2009 kl. 01:50]

Snilldar nýyrði, Spruðl og spreð

[Heimir Lárusson Fjeldsted, 17.3.2009 kl. 10:10]

Takk Gunnar.

En nýja myntin hans Lofts má helst ekki heita í höfuðuð á honum

Kannski að dalur sé bara bestur og í einum dal væru 10 nes.