Þurfum vonandi ekki að slá í púkk

Mig tekur sárt að horfa upp á hnignandi veldi þeirra Björgólfsfeðga. Þeir hófust upp af sálfum sér. Að mestu heiðarlega að ég tel. Þeir gleymdu sér heilmikið í vellystingunum. Hefðu betur litið meira til síns "minnsta bróður".

Þykist vita að þeir eigi til hnífs og skeiðar til æviloka. Annars sláum við í púkk.

Ríkið tekur Straum yfir

Athugasemdir

[Rúnar og María, 9.3.2009 kl. 11:50]

Við vitum ekkert um það í raun, en já þeir hafa alltaf virkað svona "self made" og það er frekar leiðinlegt. Það er alveg á hreinu að ýmis viðskipti þeirra hafa verið alveg stórskemmtileg og, ja - falleg - en Björgólfur Thor á í mörgum fyrirtækjum sem hafa staðið sig alveg frábærlega.

Þegar kemur að gróðanum yfir heildina og uppruna auðsins sem þeir hafa notað til að kaupa þessi fyrirtæki er mun sennilegra í raun að gífurlegan auð þeirra megi skýra með því að þeir hafa staðið í  krosseignatengslviðskiptum og fyrirtækjarekstri í skattaskálkaskjólum lengur en hinir hér á landi. Þannig hafi þeir komist hjá að borga skatta víða um heim í hátt á annan áratug af sínum viðskiptum, lagað þannig samkeppnisstöðu sína og ekki lagt af mörkum til samfélagsins í hlutfalli við raunverulega veltu. Ég segi sennilegra - Greiði þeir um 10% á meðan við hin greiðum 36% eða hvað það nú er, þá er það óréttlátt auðvitað. Mundirðu hrífast og dást að slíku framferði eða fordæma? Fyrir mitt leyti sé ég ekki hversvegna Jón Jónsson á að reiða hlutfallslega meira fram til þjóðfélagsins og ekki nóg með það - hversvegna B-feðgum ætti að leyfast að skafa verðmæti af almenningi fjölda þjóða og koma honum fyrir á leynibankareikningum víða um heim (EF það er raunin). Það er eitt að leggja inn einhverjar millur og annað að mergsjúga fleiri hundruð milljarða.

EN - Þetta er hálf leiðinlegt auðvitað. Spurning hvort þeir geti spjarað sig án þess að mega prenta peninga í Straumi-Burðarás og eftir að verður búið að hafa upp á þeim peningum sem hefur verið skotið undan ef einhverjir reynast - Þá er það spurning hvort þeir þurfi ekki smá aðstoð með salt í grautinn.