Stórhuga landbúnaðarráðherra kominn á skrið

Steingrímur J. Sigfússon hefur skipað nefnd innan landbúnaðarráðuneytisins til að gera tillögu að kennslubók um fjallagrasatínslu, meðferð og neyslu.

Nefndin fær frjálsar hendur með að ráða til sín sérfræðinga á þessu sviði og er sjónum einkum beitt að norskum fjallagrasasérfræðingum, en heimildin nær líka til norðursænskra og samískra sérfræðinga á þessu sviði.

Áætlað er að nefndin ljúki störfum og skili skýrslu til ráðuneytisins ekki síðar en á haustmánuðum 2015, enda gerir ráðherrann sér grein fyrir mikilli þýðingu málsins fyrir á annan tug þúsunda atvinnulausra hér á landi.

Miklar vonir eru bundnar við að hægt verði að selja fjallagrös í sérvöruverslunum hér á landi eins og Heilsuhúsinu, Yggdrasill og hugsanlega í fleiri verslunum.

200 störf slegin út af borðinu