Þeir taki til sín sem eiga

Það hefur borið á því undanfarna daga að fram á bloggvöllinn hafa skeiðað menn með miklar skoðanir á mönnum, en síður málefnum. Þeir hafa vaðið inn á hverja vefsíðuna á fætur annarri með persónulegar svívirðingar um síðuskrifara og ausið og dreift á báða bóga. Það er engu líkara en eftir að fjandinn varð laus á Austurvelli, haldi þetta fólk að því leyfist allt það sóðalegasta og ógeðslegasta sem hugur þeirra stendur til.

Það er von mín og ósk að menn fari að stilla huga sinn og ritvopn og taki aftur upp agaðri vinnubrögð svo menn hrekist ekki af þessum vettvangi fullir undrunar og viðbjóðs.

Engum er greiði gerður með svona vinnubrögðum og framkomu, síst þeim sem að þeim standa.

Þeir taki til sín sem eiga.

 

Athugasemdir

[hilmar jónsson, 28.1.2009 kl. 01:22]

Þú verður að tala skýrar. Áttu við einhvern sérstakann hóp ?

[Hörður B Hjartarson, 28.1.2009 kl. 01:28]

Er ég ljóti kallinn , alla veganna er ég rauðhærður , eins og þessi

[Offari, 28.1.2009 kl. 09:06]

Ég vona að ég sé saklaus.