Hógværð, kurteisi og tillitssemi framkvæmdastjóra LÍÚ

Lítillæti hefur einkennt Friðrik J. Arngrímsson ekki síður en fyrirrennara hans hjá LÍÚ. Hann fjallar um persónu forstjóra Hafrannsóknarstofnunar á sama varfærna og nærgætna háttinn og fyrirrennarinn. Friðrik sér í hendi sér að forstjóri Hafró stendur í vegi fyrir meiri gjöfum til fárra útvalinna af sjóðum samfélagsins. Þess vegna fær hann eftirfarandi einkunn:  

„Það væru ömurleg örlög stofnunar eins og Hafrannsóknastofnunarinnar að lokast inni í fílabeinsturni fáfræði sinnar."

Segir forstjóra Hafró vanhæfan

Athugasemdir

[Sigurbrandur Jakobsson, 22.1.2009 kl. 09:30]

Þeir eru báðir litríkir núverandi og fyrrverandi formenn LÍÚ eða GÍÚ eins og Nilli Ársæls á Tálknafirði kallar þá. Ég man þegar ég var trillukall í Hólminum í denn hvað ég gat bölvað Kristjáni Ragnarssyni og ekki bætti úr skák að hann var oft og er en gestu í Hólminum á sumrin.

EN eina speki frá honum hef ég gert að minni og finnst oft vel við hæfi "þú færð ekki meira nema taka það frá öðrum". Hefði mátt vera mottó bankastjórana fyrrverandi.

[Heimir Lárusson Fjeldsted, 22.1.2009 kl. 09:47]

"þú færð ekki meira nema taka það frá öðrum" Svo sannarlega rétt hjá Kristjáni. Hann hefði betur haft það í huga sjálfur!

[Sigurbrandur Jakobsson, 22.1.2009 kl. 09:59]

Hafa skal það sem betur hentar