Eruð þið Ögmundur stoltir núna Steingrímur J. að ráðast með ofbeldi að BSRB-félögum?

Mótmælendur kasta próteinríkum landbúnaðarafurðum í löggæslumenn. Menn sem eru aðeins að sinna skyldustörfum. Hvað skyldu þeir Ögmundur Jónasson og Steingrímur J. Sigfússon hafa sagt þeim að ganga langt gegn félögum BSRB?

Það er öllum ljóst og altalað á meðal mótmælenda að þau séu Vg einkum þóknanleg. Skipulögð af félögum í Vg og á þeirra ábyrgð. 

Eruð þið Steingrímur stoltir núna Ögmundur Jónasson formaður BSRB?

Allt á suðupunkti við Alþingi

Athugasemdir

[Sigurður Ásbjörnsson, 20.1.2009 kl. 23:35]

Frábært að fá upplýsingar um næringargildi þeirra hluta sem beitt er við mótmælin.  Takk fyrir það.

[Júlíus Björnsson, 20.1.2009 kl. 23:40]

Ég vildi ekki vera í sporum nauðugviljugs lögreglumanns núna, þeir eru líka einsaklinga og fórnalömb misjöfunnar tækifæra og órrétlátra vinnubragða. Alls ekki í þágu réttlættis að láta reiði sína bitna þeim. Mig grunar ef svo fer fram sem horfir að margir þeirra munu snúast á sveif með skynsömum ábyrgum mótmælendum. Skammtíma sjónarmið eru ekki það sem við þurfum á að halda núna.

[Kjartan Valdemarsson, 20.1.2009 kl. 23:41]

Svona svona

er ekki komin tími á blund?

[Baldur Hermannsson, 20.1.2009 kl. 23:42]

Í hópi ofbeldismanna eru líka margir Samfylkingarmenn. Meðal háttvísra mótmælenda eru margir Sjálfstæðismenn.

[Júlíus Björnsson, 20.1.2009 kl. 23:44]

Þögn er sama og samþykki. Kannski ekki stjórnmálalega sniðugt núna til að fá tækifæri til áhrifa í framtíðinni.

[Hörður B Hjartarson, 21.1.2009 kl. 00:04]

 Heimir þú áttar þig fullkomlega á því , að með því að segja þetta þá ert þú að segja að hér á Íslandi sé engin ástæða til að mótmæla ? Þú ert fyrsti maðurinn sem ég hef borið virðingu fyrir sem ég heyri segja þetta .

[Baldur Hermannsson, 21.1.2009 kl. 00:07]

Hehe, gott trix hjá Herði - gamla góða virðingartrixið. Spennandi að sjá hvernig Heimir snýr sig út úr þessu.

[Anna Benkovic Mikaelsdóttir, 21.1.2009 kl. 00:21]

Það er ekki langt síðan Jeltsin (Ljósvetningagði) stóð upp á skriðdreka til að stoppa skot rússneska hersins á EIGIÐ FÓLK! Hermenn voru þakklátir...

Það hlýtur að vera martröð að vera íslendingur í lögguni núna og ráðast á eigin þjóð?...ekki spurning!

[Hörður B Hjartarson, 21.1.2009 kl. 00:29]

Virðing skal viðhöfð , þar til þörf er á öðru .

[Óskar Steinn Gestsson, 21.1.2009 kl. 01:44]

Hvers konar andskotans bull er í þér? Það eru skuggalega margir inni á þessu bloggi að halda því fram að VG standi fyrir þessum mótmælum, það er BULL!!!. ég mótmælti í dag og ég er hægri maður! Fullt af fólki úr ÖLLUM stjórnmálaflokkum mótmælti í dag, vaknaðu maður! Þú ert ekki að upplifa samsæri kommúnista!

[Hörður B Hjartarson, 21.1.2009 kl. 01:49]

Það er gott að einhver veit hvar í f(l)okki ég er , ekki í fyrsta sinn í lífinu sem aðrir vita betur en maður sjálfur hvort maður situr eða stendur .

[Heimir Lárusson Fjeldsted, 21.1.2009 kl. 08:16]

"Heimir þú áttar þig fullkomlega á því , að með því að segja þetta þá ert þú að segja að hér á Íslandi sé engin ástæða til að mótmæla ? Þú ert fyrsti maðurinn sem ég hef borið virðingu fyrir sem ég heyri segja þetta ."

Hörður, víst er full ástæða til að mótmæla. Það er ástæða til að mótmæla algeru úrræðaleysi. Ég sé bara ekki hvernig hægt er að byggja upp þjóðfélagið okkar á þeim rústum sem það er komið í af völdum fárra "ofurauðjöfra" sem reyndust vera með gamaldags ávísanakeðju í gangi. Ég lofaði og prísaði unga og velmenntaða fólkið í hástert. Ég átti varla orð yfir aðdáun minni á skólakerfinu okkar að útskrifa allt þetta fólk með alla þessa menntun. Það vottaði ekki fyrir öfund hjá mér að hafa misst af þessari menntun og hafa farið á mis við hæfileikana og gjörvileikann. Ég sem missti allt mitt og mikið meira til og skýldi mér ekki á bak við ehf. og annað ehf.

Ég er núna fullur vonleysis og vanmáttar og hef þungar áhyggjur af getuleysi ríkisstjórnarinnar þar sem flokkar eru ekki að vinna saman. Ég sé bara ekki glætu í því að kasta eggjum og skyri í löggæslumenn sem eru líka fullir efasemda og vonleysis yfir sama ástandi. Mér finnst ömurlegt af formanni BSRB og Vg að æsa fólk upp í þessari stöðu. Mér finnst ömurlegt að þeir höfða til lægstu hvata fólksins. Þeir koma ekki með tillögur til úrbóta og reyna að stappa stáli í fólkið. Nei, löngun þeirra til að komast nær kjötkötlunum er meiri en svo að þeir geti hugsað af skynsemi og yfirvegun. Svei þeim fyrir vinnubrögðin.

Hörður, hvar í flokki sem við erum verðum við fyrst og fremst að standa saman og nota munninn og skriffærin til að koma skoðunum okkar á framfæri. Ofbeldi leiðir af sér ofbeldi og hefur alltaf gert. Ofbeldið fer síðan að lifa sjálfstæðu lífi og allt tal okkar fer að snúast um ofbeldið í stað þess að við einbeitum okkur að vandamálunum og lausn þeirra.

[Hörður B Hjartarson, 21.1.2009 kl. 12:31]

Heimir ! Semsagt að mótmælin snerust um það að berja á lögreglunni ? Þú fyrirgefur en ég viðurkenni fyllilega vanvöxt höfuðs míns því ég skil ekki svona "staðreyndir" eins og þú ert  að láta frá þér og er stoltur af þeim vanvexti . Hafi einhver barið einhvern í gær þá er það lögreglan , en ég heyri að þú ert með öðruvísi sannleka í þessu , svo það þíðir kannski ekkert fyrir mig að segja neitt enda veit ég  ekkert um þetta , því ég var þarna og var meisaður , ástæðan já ástæðan ég er að leita ---------- ætla það hafi helst verið það að ég er ekki með vængi og gat þar af leiðandi ekki flúið nógu hratt já og svo sú óumflýjanlega staðreynd að ég var ekki í sóffamótmælum . Þá veit ég það Heimir að það er ekki að standa saman að mótmæla skítnum sem situr í þjóðarleikhúsinu eða skítmenninum sem verja þann skít , það eru ofbeldi , ja alltaf lærir maður nú í lífinu . Heimir svona gera menn ekki .

[Baldur Hermannsson, 21.1.2009 kl. 12:46]

Mér þykir leitt að heyra að þú hafir orðið fyrir hnjaski, Hörður. Vona að það sé ekkert varanlegt.

[Heimir Lárusson Fjeldsted, 21.1.2009 kl. 12:56]

Ég treysti mér ekki til að vera sammála þér Hörður. Það væri á móti sannfæringu minni. Næst þegar þú mótmælir ættir þú að hlusta á aðvörunarorð þeirra sem stjórna vettvangi. Þá fer allt vel og þú getur einbeitt þér að mótmælunum sem ekki er vanþörf á.

Það er svo leiðinlegt þegar umræðan um heiðarleg og eðlileg mótmæli fer að snúast upp í tal um aukaatriði eins og afleiðingar þess að fólk fari ekki að tilmælum lögreglunnar og hvort hún hafi leyfi til að halda uppi lögum og reglu. Á danska dómshúsinu í Kaupmannahöfn stendur: " Med lov skal man land bygge" og það hefur eins og þú veist verið snarað á íslensku: "Með lögum skal land byggja og ólögum eyða".

[Júlíus Björnsson, 21.1.2009 kl. 15:06]

Heyr Heimir! 80.000 þúsundund löghlýðnir Íslendingar fyrir utan Alþingishúsið þungbúnir þyrftu ekki að segja nema einu sinni: "við mótmælum öll" og spilið væri búið, er mitt álit.

[Heimir Lárusson Fjeldsted, 21.1.2009 kl. 15:31]

Það væri áhrifaríkt Júlíus.

Stjórnin virðist fallin ef marka má ummæli varaformanns Samfylkingarinnar. Össur settur til hliðar - frystur. ISG úr leik að því er virðist. Fánaberinn Ágúst Ólafur Ágústsson sem fékk 800 atkvæði á 600 manna fundi. Ekki burðug framtíð Samfylkingar jafnaðarmanna.

[Júlíus Björnsson, 21.1.2009 kl. 16:04]

Drengurinn hann hlýtur að bretta upp  ermarnar og spýta í lófanna. Heimskreppa er nú ekki mikið mál fyrir svona sjóað lið. Danir frændur mínir er að setja hömlur á laun stjórnenda fyrirtækja. Virðuleg ríkistjórnin í rólegheitunum að klára að innleiða ESB regluverkið samkvæmt ESS sem hefur reynst okkur svo vel síðust 15 ár og loks þegar við vorum búin að uppfylla stöðugleika markmiðin kom blessað hrunið. Við verðum því að byrja upp á nýtt með gjaldeyrishöft næstu árin og dæla útflutningum inn á lágvörumarkaði ESB, á lákrónugengi, meðan við erum að borga fjárfestum þeirra ávöxtunarkröfu sem virtist glötuð. Það þarf enginn að flýta sér, ESB þarf ekkert að innlima Ísland fyrr eftir 10  ár.    En það verður barátta um þingsætin í stöðugu 15% atvinnuleysi næstu árin. Leiðinlegt fyrir ódýra vinnuaflið sem reyndi að gera það gott hér á landi, þar sem heimskreppan mun valda álíka atvinnuleysi í ESB.

[Heimir Lárusson Fjeldsted, 21.1.2009 kl. 16:28]

Ekki er útlitið fagur Júlíus ef þú ert sannspár.

[Júlíus Björnsson, 21.1.2009 kl. 16:40]

Spurði þig hvað hin aðilinn græðir þetta er nú viðskiptaeinokunarbandalag risaþjóða með hagsmuni risaalþjóða fjárfesta að leiðarljósi í þágu stórs neytendamarkaðar,  fjármagnar m.a. risaverksmiður og risa lágvörubúðaauðhringi. Samkeppni er hörð milli bandalaga. Asía á mestu af reiðufé í Dollurum. USA á ónýtta fræði möguleika til að fela atvinnuleysi. Svo áður var þörf hjá ESB nú er nauðsyn.   

[Hörður B Hjartarson, 21.1.2009 kl. 20:24]

Heimir ! Ansi fróðlegar upplýsingar í kastljósi núna , sérstaklega fyrir þig því þú "veist" að lögreglan á svo rosalega "bágt" að standa í mótmælum , allt í lagi að meisa 54 ára gamlan kall af því að hann var í friðsamlegum mótmælum við þjóðarleikhúsið , honum var skammar nær að vera heima í sóffamótmælum . Kíktu á kastljósið , aumingja  "góðu" kallarnir í lögreglunni . Ég veit ekkert

[Heimir Lárusson Fjeldsted, 21.1.2009 kl. 20:26]

Sé það seinna á tölvunni. Þú átt að haga þér vel Hörður;)

[Hörður B Hjartarson, 22.1.2009 kl. 01:16]

Heimir !