Váleg tíðindi á vondum tímum

Það eru vissulega váleg tíðindi að frystigeymslur skuli vera orðnar yfirfullar af helstu útflutningsvöru okkar fiskinum. Verð á áli sem er önnur verðmætasta útflutningsafurðin hefur hríðfallið og útlitið því miklu verra en í fljótu bragði virtist. Þar á ofan skila eigendur sjávarútvegsfyrirtækjanna ekki nema hluta af andvirði afurða sinna á erlendum mörkuðum. Sem er  glæpurinn í þessu öllu, að handhafar gjafakvótans skili þjóðinni ekki útflutningsverðmætinu.

Útflytjendur sjávarafurða hafa að því er virðist aflað sér nýrra viðskiptavina erlendis sem vildu kaupa dýrustu  afurðirnar og til að geta sinnt þeirra kröfum urðu þeir að láta gömlu og góðu viðskiptavinina sem alltaf stóðu sig í öldugangi viðskiptanna sigla sinn sjó.

Verið getur að aðeins sé um færslu á birgðahaldinu að ræða og nú þurfi framleiðendur að bera kostnaðinn af birgðahaldinu. Veik von að það sé skýringin.

Ýmsar vangaveltur aðrar er hægt að hafa en þær verða að bíða. 

Frystigeymslur stútfullar

Athugasemdir

[Baldur Hermannsson, 20.1.2009 kl. 12:14]

Verð á áli mun hækka þegar veröldin réttir úr kútnum. Hvað heldurðu um Obama? Mun hann ekki færa Könum nýja von og nýja döngun?

[Heimir Lárusson Fjeldsted, 20.1.2009 kl. 12:21]

Vonarglætan er fyrir vestan okkur á meðan svarnættið grúfir yfir gamla heiminn eins og horfir.