Menn hafa flúið land af minna tilefni.

Hvað er hægt að kalla svona fjármálaleikfimi annað en landráð? Að menn skuli ekki skammast sín að fara svona með efnahag lítillar þjóðar er fyrir ofan minn skilning. Menn hafa flúið land af minna tilefni.

Veittu fólki lán en veðjuðu á veikingu

Athugasemdir

[Baldur Hermannsson, 12.1.2009 kl. 16:07]

Réttast væri að dæma þá til fjögurra ára útlegðar eins og tíðkaðist til forn, Gunnar á Hlíðarenda til dæmis. En nú eru það fórnarlömbin sem flýja land unnvörpum og leita sér viðurværis erlendis, fjarri fósturjarðar ströndum. Þvílík forsmán.

[Heimir Lárusson Fjeldsted, 12.1.2009 kl. 17:07]

Þeir hafa líklega ekki sómakennd til að gera það sjálfir.

[Baldur Hermannsson, 12.1.2009 kl. 17:23]

Kunningjakona mín er í fullri vinnu en alger öreigi, á ekki neitt, ekki einu sinni bíl. Þetta er enginn letingi. Unnið hörðum höndum en það stendur ekkert eftir. Hvar er afrakstur vinnunnar? Ætli hann sé ekki innifalinn í þessum 1200 milljörðum sem fóru í súginn? Nei, Heimir, þetta gengur ekki lengur.

[Heimir Lárusson Fjeldsted, 12.1.2009 kl. 17:32]

Hvaða breytingar er hægt að gera. Ég er hræddur um að upp úr sjóði á landsfundinum bæði innan- og utandyra.

Það er ekki hægt að bjóða okkur upp á karp um hvort utanríki- eða forsætisráðuneytið eigi að tjá skoðanir sínar á hörmulegu stríði útlendu á meðan eigur fólks bókstaflega brenna upp og fjölsyldur splundrast og fólk sviptir sig lífi.

Uppgjöf virðist heltaka ríkisstjórnina.

[Baldur Hermannsson, 12.1.2009 kl. 17:43]

Svakalega ertu að hitta naglann á höfuðið þarna. En kannski eru þau að þessu bjánalega karpi af því að þau geta ekki komið sér saman um markvissa stefnu innanlands. Það voru sett neyðarlög en það þarf meira. Víða hefur skapast neyðarástand.

[Sigurður Sigurðsson, 12.1.2009 kl. 18:09]

Sælir piltar, já ekki að spyrja að þessari græðgi og spillingu.

Sitja þessir fuglar svo einhversstaðar í London í milljarða íbúðunum sínum, bíða þess að við göngum í ESB þannig að þeir geti komið aftan að þjóðinni aftur og eignast allt.  Nota til þess peninga sem þeir stálu undan og settu á eyjarnar. 

Nei takk, þetta lið á ekki að koma til landsins aftur, aldrei.  Þetta eru landráðamenn.

[Heimir Lárusson Fjeldsted, 12.1.2009 kl. 18:29]

Mér finnst "landráðamenn" skýra málið til hlítar.