Mikið eiga þau Baltasar og frú Pálmadóttir bágt.

Þau eru ekki öll jafn áberandi gjaldþrotin á síðum blaðanna þessa dagana. Eitt rakst ég á í Mogga í dag, kannski ekki stórt "aðeins" 388 milljónir króna.

Eftirtekt vekur hinsvegar að það er Baltasar K. Samper sem á hlut að máli og þá væntanlega eiginkona hans Pálmadóttir sem er þessa dagana að láta byggja sundlaug á Hofsósi vegna þess að sveitarfélagið getur ekki boðið upp á frambærilega sundaðstöðu.

Það vekur eftirtekt mína að engar eignir eru í búinu, svo hart hafa Baltasar og frú gengið að sér að ekki króna var eftir, ekki ein einasta króna.

Ég þekki fólk sem hefur siglt rekstri í strand og staðið uppi slyppt og snautt; hírst í herbergiskytrum og greitt niður skuldir.

Frétt Mogga fer hér á eftir:

 

"Myndin Little Tripí gjaldþrot

Kröfur námu alls 388 milljónum króna

LOKIÐ er skiptum á þrotabúi Little Trip ehf., áður Ferðar ehf., Skálholtsstíg 7 í Reykjavík. Lýstar kröfur í búið námu alls rúmum 388 milljónum króna....

 LOKIÐ er skiptum á þrotabúi Little Trip ehf., áður Ferðar ehf., Skálholtsstíg 7 í Reykjavík.

 

Lýstar kröfur í búið námu alls rúmum 388 milljónum króna. Engar eignir fundust í búinu, að því er fram kemur í tilkynningu skiptastjórans, Helga Jóhannessonar hrl.

 

Kaupþing banki hf. átti langhæstu kröfuna í búið eða veðkröfu upp á rúma 341 milljón. Aðrir stórir kröfuhafar voru Sögn ehf. með kröfu að fjárhæð 31 milljón og SPRON með kröfu að upphæð 12,5 milljónir króna. Aðrir kröfuhafar voru Deloitte ehf., Tollstjórinn í Reykjavík og Hafnarbakki-Flutningatækni ehf.

 

Little Trip ehf. var stofnað til þess að framleiða kvikmynd Baltasars Kormáks, A little trip to Heaven. Myndin skartaði alþjóðlegum stjörnum í aðalhlutverkum, m.a. Óskarsverðlaunahafanum Forest Whitaker og Júlíu Stiles."