Hvar fást ódýrir hattar?

Nú myndi margur landinn taka ofan fyrir Rússum gangi þetta lánstilboð eftir, en það á eftir að fara fyrir hinar ýmsu nefndir og ráð í Rússlandi.

Ég hef þennan vara á með ofantöku hattanna vegna þess að hattar eru ekki almenningseign og eru frekar dýrir í innkaupi.

Þess vegna óska ég eftir t.d. Krónuhöttum í verslunum Kaupáss og það sem fyrst ef lánveitingin gengur eftir svo þjóðin geti tekið ofan fyrir vinaþjóð. 

Seðlabankinn fær lán frá Rússlandi

Athugasemdir

[Axel Jóhann Hallgrímsson, 7.10.2008 kl. 15:51]

Ég á nokkra hatta og er tilbúinn að taka þá alla ofan fyrir Rússum. Þeir hafa alltaf reynst okkur vel, gert við okkur hagstæða viðskiptasamninga þegar aðrar dyr voru lítt eða ekki opnar.

Samt hefur verið ríkjandi landlæg tortryggni í þeirra garð hjá ákveðnum hópi manna Íslandi. Manna sem gjarna tóku skoðanir sínar beint frá vinum okkar í vestri. Hvaða vinir hafa nú sent okkur fingurinn.

P.s. ég er þegar í dag búinn að taka einn hattinn ofan...... fyrir Sjálfstæðisflokknum!  Sjá blogg. Það var erfitt ég viðurkenni það.

[Heimir Lárusson Fjeldsted, 7.10.2008 kl. 16:47]

Gott hjá þér Axel.