Sá Þorsteinn Már sér að sér?

Það er til mikillar fyrirmyndar að Þorsteinn Már skuli ganga fram fyrir skjöldu og kyngja öllum stóru orðunum sem hann hefur látið sér um munn fara um Davíð Oddsson og ríkisstjórn Íslands þegar hann niðurbrotinn varð að viðurkenna skipbrot Glitnis. Þorsteinn Már er meiri maður fyrir.

Eftirfarandi orð hans stinga þó í augu: " Ég treysti því að ríkisvaldið muni koma til móts við hluthafana sem verða fyrir tjóni vegna þessarar ráðstöfunar og bjóði þeim sanngjarnt úrræði sem geti á komandi árum dregið úr þessu tjóni. "

Treystir hann því líka að ríkisvaldið komi til móts við almenning sem tapar stórum fjárhæðum nú og í nánustu framtíð á skipbroti fjármálastefnu Glitnismanna og annarra útrásargreifa?

Þjóðin hefur fært Þorsteini Má milljarða króna í formi kvóta úr sameiginlegum auðlindum þjóðarinnar og svona piltur á að læðast með veggjum þegar hann mætir alþýðu manna á götu. 

Hvetur hluthafa Glitnis til að samþykkja tilboð ríkisins

Athugasemdir

[Res (IP-tala skráð) 3.10.2008 kl. 15:17]

Þetta er eins og talað frá mínu hjarta,,,,það eru nefnilega annsi margar sviðnar jarðir eftir þennan blessaða mann..

[Jón Snæbjörnsson, 3.10.2008 kl. 15:44]

segið nokkuð - er ekki réttast að hirða kvótann bara líka

[Heimir Lárusson Fjeldsted, 3.10.2008 kl. 15:51]

Auðvitað á hann ekki kvótann og það kemur að því að þjóðin segir stopp!

[Margeir Örn Óskarsson, 3.10.2008 kl. 15:58]

Mjög svo sammála....

Eins tel ég merkilegt að Jón Ásgeir hafi viljað fara "aðrar leiðir" , þ.e. láta áhættuna hvíla áfram á viðskiptavinum Glitnis og jafnvel öðrum hluthöfum til að bjarga eigin skinni. Það væri víst ekki í fyrsta skiptið.

Mér fannst því full djúpt í árina tekið þegar menn líktu þessarri björgun sem bankaráni.

Auðvitað er afskaplega vont að fólk tapi sínum sparnaði, jafnvel til fjölmargra ára. Engu að síður finnst mér mikilvægara að þeir sem lítið hafi milli handanna finni til öryggis og nái að vinna sig upp úr skuldum. Þeir sem eru á núllinu og skulda ekkert eiga mun auðveldar með að ná sér á strik aftur en þeir sem eru skuldum vafðir.

[Heimir Lárusson Fjeldsted, 3.10.2008 kl. 16:17]

Góð athugasemd Margeir.

[Emil Örn Kristjánsson, 3.10.2008 kl. 16:49]

Rétt hjá þér, Heimir. Ég sé ekki betur en að ríkið sé að koma verulega til móts við hluthafa með því að bjarga þeim frá algjöru gjaldþroti. Maður skilur ekki alveg hvernig svona fólk hugsar. Þeir töpuðu á röngum fjárfestingum og það er ekki skattborgaranna að "koma til móts við þá" á einn eða annan hátt. Þeir sem taka þátt í viðskiptum verða að lúta lögmálum viðskiptanna.

[Heimir Lárusson Fjeldsted, 3.10.2008 kl. 17:11]

Frekja þessa fólks er yfirgengileg.

Þeir eru búnir að láta út úr sér orð og fullyrðingar sem seint gleymast og verða í minnum hafðar við uppstokkun kvótakerfisins og fleira.