Myndskeyting og bloggfærsla Ögmundar skýrir ýmislegt.

Það er margt sem hefur komið spánskt fyrir sjónir í vinnubrögðum formanns BSRB og formanns St.Rv. undanfarin misseri. Eins og kunnugt er hafa þeir þverbrotið félagslög St.Rv. og líka farið á skjön við eðlilegar umgengnisvenjur við félagsmenn sína.

Það er engu líkara en að félagið og bandalagið séu deildir í Vinstri grænum eins og þessr menn hafa hagað sér.

Ég hef oft fjallað um virðingarleysi þeirra fyrir lögum og hefðbundnum siðavenjum og geri það ekki frekar nú.

Með bloggfærslu sinni sem Morgunblaðið gerir að umtalsefni á síðu 2 í dag, sést að það er ekki bara í samskiptum við félagsmenn sína sem Ögmundur Jónasson fer ótroðnar slóðir.