Skaðræðisklíkan hjá Strætó enn komin á kreik

Vegir skaðræðisklíkunnar hjá Strætó bs. eru órannsakanlegir.

Enn á ný er skaðræðisklíkan komin úr launsátri og farin að beita sér. Nýlega fréttist af fyrrverandi trúnaðarmanni í samninganefnd St.Rv. á fundi á Úlfljótsvatni þrátt fyrir að hann hafi ekki verið í framboði síðast þegar kosið var til trúnaðarstarfa fyrir félagið og enginn hafi kosið hann.

Þá er varðstjórinn, einkavinur hans kominn af stað með undirróður og brigslyrði.

Þeir þola ekki að fara halloka fyrir heiðarlegum vinnubrögðum og geta ekki á sér heilum tekið þessa dagana þegar eitt aðal verkfæri þeirra hefur látið af störfum (ekki að eigin ósk) og samarkitekt þeirra að uppreisninni gegn framkvæmdastjóra og sviðstjóra hefur sagt starfi sínu lausu og er senn á förum.

Starfsmannafélag Reykjavíkurborgar heggur enn í sama knérunn og boðar ekki löglega kjörna fulltrúa til starfa. Með því neglir formaður félagsins enn einn nagla í líkkistu sína að öllum ásjáandi.