Stéttarfélag á villigötum

það er hreint með ótrúlegum hætti  sem Garðar Hilmarsson formaður Starfsmannafélags Reykjavíkurborgar stýrir félaginu.

Hjá Strætó sögðu kjörnir trúnaðarmenn/fulltrúar af sér sem slíkir, en Garðar Hilmarsson endurreisti þá eftir undirskriftasöfnun sem framkvæmd var með vægast sagt undarlegum og mjög vafasömum hætti.

Með þeirri gjörð gekk Garðar Hilmarsson í berhögg við lög Starfsmannafélagsins sem segja afdráttarlaust fyrir um hvernig trúnaðarmenn/fulltrúar skuli kjörnir. 

Síðan hefur það gerst að tveir þessara meintu trúnaðarmanna eru hættir störfum hjá Strætó bs. af misjöfnum ástæðum þó , það sama á við um  einn varamanninn.

Það virðist ekki skipta Garðar Hilmarsson máli hversu margir þeirra segja af sér eða hætta störfum hjá Strætó, ekki hefur hann samband við löglega kjörna varamenn og boðar þá til að axla ábyrgð sem þeir eru kjörnir til samkvæmt lögum Starfsmannafélags Reykjavíkurborgar.

Er hægt að komast lengra í að hunsa lög eins stéttarfélags og drottna með ófélagslegum hætti?