Öreigar sameinast á skattskránum.

2.8.2008 | 15:32

Öreigar sameinast á skattskránum.

Það verður ekki séð að góðærið á umliðnum árum hafi náð til allra. Tvíburarnir, knattspyrnumennirnir og viðskiptajöfrarnir Arnar og Bjarki Gunnlaugssynir höfðu ekki nema um 120 þúsund krónur í mánaðarlaun á s.l. ári en huggun er harmi gegn að þeir höfðu það hvor um sig.

Viðskiptamógúlarnir og Valsararnir Jafet Ólafsson og Ingvi Hrafn Jónsson hafa heldur ekki riðið feitum hesti frá góðærinu því Jafet hafi einungis 114.377 krónur úr að spila að jafnaði á mánuði og hefur því örugglega komið sér vel fyrir hann að vera fróður um meðferð fjár og kunna að fara með það.

Góður vinskapur er með þeim viðskiptafélögunum Jafet og Ingva Hrafni ef ég man rétt frá Útvarps Sögudögum Ingva Hrafns því þá ráðlagði Jafet honum oft í beinni útsendingu að ávaxta pund sitt.

Kannski var ráðgjöfin lítils virði og er ekki óvarlegt að ætla að svo sé því Hrafninn hafði ekki nema úr 86.805 krónum að spila mánaðarlega árið 2007.

Eins gott er þá að búa á Florida þar sem verðlag hlýtur að vera lægra en hér á landi, því hérna hefði þetta lítilræði varla dugað fyrir eldsneyti á Reinsinn.

	Launatoppurinn í fyrra
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Ég hugsa að sjónvarpsþátta sería á ÍNN með þeim Jafet og Ingva, þar sem þeir færu rækilega ofan í kjölinn á því hvernig þeir fara að því að lifa af 114 þúsundum á mánuði svo ekki sé talað um tæp 87 þúsund, fengi toppáhorf. Og geta svo ofaná kaupið lagt fyrir og ávaxtað sitt pund, geri aðrir betur.

Ég er hræddur um að ég væri ráðalaus þótt þetta væri einungis vikukaupið.

Axel Jóhann Hallgrímsson, 3.8.2008 kl. 10:19