Slettirekuskapur Rósu.

Hversvegna í ósköpunum fer konan ekki til þeirra landa sem virða allar umgengnisreglur við náttúruna að vettugi?

Íslendingar þurfa ekki og eiga ekki að hýsa fólk sem kemur gagngert til að vinna gegn vilja þjóðarinnar.

Ef hún er ósátt við þjóðskipulagið og ákvarðanir þjóðarinnar í eigin málum á hún einfaldlega að hafa sig á brott og hætta að skipta sér af málefnum sem henni koma ekki við. 

Erlendar slettirekur eiga að vera heima hjá sér. 

Miriam Rose gefst aldrei upp

Athugasemdir

[Þorsteinn Valgeir Konráðsson, 22.7.2008 kl. 20:13]

Fullkomlega sammála. Svona gellur hafa ekkert að gera hér á landi.

[Axel Jóhann Hallgrímsson, 22.7.2008 kl. 21:02]

 Senda hana úr landi með skófar á afturendanum.

.

[Heimir Lárusson Fjeldsted, 22.7.2008 kl. 21:11]

Sannast enn og aftur að engin er rós án þyrna.

[Sigurjón, 23.7.2008 kl. 01:32]

[Eva Hauksdóttir (IP-tala skráð) 23.7.2008 kl. 15:38]

Og á sama hátt ættu Íslendingar ekkert að mótmæla stríðsrekstri og mannréttindabrotum í öðrum löndum, heldur bjóða stríðsglæpamönnum til veislu í Perlunni og syngja með þeim ósólimíó.

Það er einmitt þetta viðhorf, að okkur komi ekkert við annað en það sem snýr að eigin rassi, sem viðheldur kúgun og ranglæti í heiminum, ásamt því að skerða afkomumöguleika heilu þjóðanna og okkar eigin afkomenda.

[Heimir Lárusson Fjeldsted, 23.7.2008 kl. 22:43]

Eru ekki lýðræðiskjörin stjórnvöld hér á landi Eva?

Ekki hefur þjóðin kosið Rósu til að hafa vit fyrir okkur.

[Eva Hauksdóttir (IP-tala skráð) 23.7.2008 kl. 23:04]

Lýðræðiskjörin stjórnvöld okkar eru löngu búin að sanna glóruleysi sitt gagnvart stóriðju og skeytingarleysi sitt í mannréttindamálum, það er langt frá því að núverandi ríkisstjórn sé fær um að hafa vit fyrir okkur.

Hvorki almenningur né stjórnvöld í Íran hafa spurt mig álits á þeim sið að grýta fólk til bana. Það sviptir mig þó ekki réttinum til að mótmæla því. Voðaverk koma öllum við, bæði þau sem eru unnin gagnvart fólki, gagnvart öðrum lífverum og gagnvart jörðinni sjálfri. Baráttan gegn stóriðju er bæði umhverfisbarátta og mannréttindabarátta. Fyrst Íslendingar hafa ekki döngun í sér til að rífa sig upp af rassgatinu og snúast gegn stóriðjustefnunni sjálfir, þá tek ég því fagnandi að annarsstaðar til sé hugsjónafólk sem nennir að vinna fyrir okkur.

[Sigurjón, 23.7.2008 kl. 23:12]

Mig fýsir að vita: Að hvaða leyti er baráttan gegn stóriðju mannréttindabarátta?

[Eva Hauksdóttir (IP-tala skráð) 23.7.2008 kl. 23:18]

Ég reikna með að þú hafir sent þessa spurningu inn um leið og ég sendi mitt fyrra svar. Ef þú hefur áhuga á að fá nánari upplýsingar, get ég útvegað lesefni.

[Eva Hauksdóttir (IP-tala skráð) 23.7.2008 kl. 23:22]

Afsakaðu Sigurjón (og aðrir sem fylgjast með þessum umræðum) ég gleymdi að vísa til þess að ég svaraði svipaðri fyrirspurn frá þér á síðu Jóa Ragnars: http://joiragnars.blog.is/blog/joiragnars/entry/597774/

[Sigurjón, 24.7.2008 kl. 01:38]

Ég hef áhuga á að fá krækjur á lesefni um þessi mannréttindabrot sem þú talar um á vefbók Jóhannesar.

Hins vegar talar þú um baráttu gegn stóriðju, án þess að tiltaka sérstaklega áliðnaðinn.  Áttu þá við að öll stóriðja sé af hinu slæma, brjóti á mannréttindum, eða bæði? 

[Eva Hauksdóttir (IP-tala skráð) 24.7.2008 kl. 02:46]

Hér eru nokkrir tenglar sem skýra tengsl áliðnaðar við mannréttindabrot.

http://www.youtube.com/watch?v=UgiW6AoS2Js&feature=related

http://www.youtube.com/watch?v=A27VD6yQt-I&NR=1

http://www.youtube.com/watch?v=a3mxWAkPzqY&feature=related

 

http://savingiceland.puscii.nl/?p=602&language=en

http://savingiceland.puscii.nl/?p=1029&language=en

http://www.freewebs.com/epgorissa/FelixPadel-SamarendraDas.pdf

 

http://www.clrlabor.org/alerts/2001/clrdecemberindex.html#2_1

http://www.nlcnet.org/article.php?id=404

http://africa.reuters.com/business/news/usnBAN126900.html

 

http://savingiceland.puscii.nl/?p=2111&language=en

 

Ég get ekkert fullyrt um alla stóriðju því ég hef bara ekki næga þekkingu til þess en almennt má reikna með að því stærra og volgugra sem fyrirtæki er, því meiri hætta er á að gróðasjónarmið séu sett ofar mannréttindum og mannúðarsjónarmiðum.

Stóriðja á Íslandi er einkum álframleiðsla og virkjanir í tengslum við hana en áliðnaðurinn er langstærsti raforkunotandinn á Íslandi. Álver og virkjanir haldast alltaf í hendur og þar sem öll virkjunaráform á Íslandi eru í þágu áliðnaðar, þá geta þeir sem berjast fyrir mannréttindum, ekki sætt sig við fleiri virkjanir, jafnvel þótt manni væri sama um umhverfisáhrifin hér á landi.

[Heimir Lárusson Fjeldsted, 24.7.2008 kl. 07:08]

Þekkingu þinni Eva á málefnum atvinnumótmælenda er viðbrugðið. Þá er einlæg manngæska þín virðingarverð.

Þegar ég hóf umræðuna var ég að finna að lífsháttum Miriam Rose og furða mig á að sú mikla hugsjónakona finni ekkert aðfinnsluvert nær heimahögum sínum,

Það er alkunna að refurinn bítur ekki nálægt greni sínu en er eins farið með hana Rósu okkar?

[Sigurjón, 24.7.2008 kl. 08:42]

Ég hef nú lesið þetta og skoðað.  Mér sýnist að þarna sé fyrst og fremst um að ræða brot ríkisstjórna á borgurunum, frekar en brot stóriðjufyrirtækjanna.  Myndböndin á yðarröri eru greinilega gömul (heyrðist frá 1992) og ég vil vita hvernig ástandið er í dag.  Aftur er það ríkisstjórn Jamaica sem á að grípa í taumana.

Auðvitað ættu stóriðjufyrirtækin að hafa stefnu sem takmarka rask sem starfsemi þeirra veldur.  Hins vegar er það svo að oft situr fólk á stöðum sem eru ríkir af málmum eða eru auðvirkjanlegir frá náttúrunnar hendi.  Þá togast á hagsmunir heildarinnar og hagsmunir íbúanna sem fyrir eru.  Hvor á að víkja er ekki alltaf auðfundið.

Svo þætti mér gaman að vita hvers vegna samtökin Saving Iceland endurnefna sig ekki og kalla sig Saving Jamaica, eða Saving India.  Það væri nær.  Rök samtakanna og rætur er alla vega að finna þar; ekki hér á landi.

[Eva Hauksdóttir (IP-tala skráð) 24.7.2008 kl. 11:35]

Heimir: Hversvegna heldurðu að Miriam Rose finni ekkert aðfinnsluvert nær heimahögum sínum? Manneskjan er alin upp við umhverfishyggju. Hún kom ekki til Íslands fyrr en 2006 en hafði þá unnið með umhverfishreyfingum í mörg ár. Hún hefur tekið þátt í ýmiskonar aðgerðum gegn náttúruspjöllum og mannréttindabrotum í sínu heimalandi og mesta vinnu hefur hún lagt í fræðslu- og kynningarstarf.

Annars finnst mér stórmerkilegt hvað umræðan um Saving Iceland er farin að snúast mikið um þessa einu konu. Hún er vissulega mjög dugleg og klár en það er langt frá því að hún sé einhver leiðtogi. Athygli fjölmiðla beindist að henni í fyrra þegar hún fékk hótun um brottvísun úr landi, og það virðist hafa leitt til þess að hún hefur orðið andlit SI út á við, án þess að hafa nokkurn áhuga á því.

[Eva Hauksdóttir (IP-tala skráð) 24.7.2008 kl. 13:20]

Sigurjón: Ég vil gjarna spjalla meira við þig en við erum komin það langt frá efni færslunnar að mér finnst það eiginlega dálítið frekt gangvart Heimi að vera að skrifa heilu blaðsíðurnar inn á tjásukerfið hans. Ég er því búin að svara þér hér:http://sapuopera.blog.is/blog/sapuopera/entry/599157