Hefur formaður BSRB orðið fyrir reykeitrun?

BSRB og félagið okkar rembist núna eins og rjúpan við staurinn við að ófrægja kjarasamning  starfsmanna Strætó bs.og yfirmenn fyrirtækisins. Hversvegna skilur hinn almenni starfsmaður ekki. Samningurinn var samþykktur með öllum greiddum atkvæðum nema einu.

Formenn Starfsmannafélags Reykjavíkurborgar og BSRB eru að taka þátt í einkastríði manns, en reyna að láta líta svo út að um félagsmál sé að ræða.

Formaður BSRB hefur margsinnis sagt opinberlega að undanförnu að hann sé að reyna að leiða málið til lykta í persónulegum samtölum sínum við stjórnmálamenn.

Ekki við þá sem með málið hafa að gera í stjórn fyrirtækisins, heldur einhverja aðra.

Hefur formaðurinn ekki  í áraraðir gagnrýnt pólitísk plott í reykfylltum bakherbergjum?

Nú virðist hann annaðhvort villtur í reyknum, orðinn háður honum eða orðið fyrir eitrun,  því ekki hvarflar að honum að hann geti starfað opið og komið framan að framkvæmdastjórn Strætós.

Athugasemdir

[Ísal, 21.6.2008 kl. 19:04]

Hann er víst líklega engu skárri en þeir sem hann hefur gagnrýnt í gegnum tíðina.  Einu sinni barðist hann gegn svona hegðun, nú sýnir hann hana sjálfur

[Heimir Lárusson Fjeldsted, 21.6.2008 kl. 20:14]

Hlutirnir snúast gjarnan á haus með tímanum.