Arnar Jensson verst árás mannorðshrotta

Arnar Jensson aðstoðaryfirlögregluþjónn skrifar góða grein í Mogga í dag.
Menn löttu hann ítrekað til skrifa, vegna þess að mylla Baugs gengur vel smurð þegar sverta þarf óþekkan andstæðing svo sem þennan vandaða lögreglumann.
Ég minnist þess þegar ég hóf að gagnrýna þá Bónusfeðga meðan ég var ennþá kaupmaður. Þá settu þeir mylluna í gang og hver heildsalinn á fætur öðrum hóf að hækka vöruverð sín til mín. Einn lagðist svo lágt að neita mér um viðskipti. (Man ekki hvað grænmetisheildverslun Pálma Haraldssonar hét).

Eftir mína reynslu af feðgunum trúi ég öllu upp á þá og skil vel orð Arnars: "....eða skipulagðra glæpahópa sem starfa í skjóli auðs".

Þegar skrif Trausta Hafsteinssonar (Egilssonar) hófust 9. nóvember s.l. grunaði mig ekki hver stæði að baki þeirra. Þykir mér leitt að svo ágætir drengir sem þeir frændurnir Sigurjón og Trausti eru skuli leggjast svo lágt að halla réttu máli og taka þátt í að sverta mannorð Arnars Jenssonar og reyna að gera hann ótrúverðugan eins og Jón Gerald og alla aðra sem ekki eru Baugsveldinu að skapi, eða geta borið sannleikanum vitni í málssókn yfirvalda gegn Baugi.
Það er ekki tilviljun að hvert sinn sem einhver þeirra á að mæta til yfirheyrslu skuli koma óhróðurssúpa af vörum Jóhannesar eða einhvers af leiguþýi hans um starfsmenn ríkislögreglustjóra og hann sjálfan reglulega.
Ég hygg að vert sé að skoða hvert þessir tveir milljarðar króna hafa farið sem Baugur hafði greitt í málsvörn, endurskoðunarstofur og almenningstengslafyrirtækja fyrr á þessu ári.
Ég tek ofan fyrir Arnari Jenssyni að "leyfa sér" að bera hönd fyrir höfuð sér þegar þessir mannorðshrottar leggja að honum.