Borgarráð fjallar um uppsögn vagnstjóra.

 Í pólitískum tilgangi að því er virðist taka borgarráðsfulltrúar Framsóknar og Samfylkingar upp mál vagnstjóra sem sagt var upp störfum hjá Strætó bs. í borgarráði.

Það kemur glöggt fram í fyrirspurn þeirra að þeir gera sér ekki grein fyrir því að maðurinn var búin að segja af sér sem trúnaðarmaður og málefnalegur ágreiningur er ekki í deilu hans við framkvæmdastjórann. Ágreiningurinn af hans hálfu er sá að hann var áminntur fyrir að hafa áfengi um hönd á vinnustað sínum þar sem stranglega er bannað að vera undir áhrifum áfengis eða annarra vímugjafa.

Að nota tíma borgarstjóra og borgarráðs á þennan hátt er varla til eftirbreytni.

Athygli vekur að  Svandís Svavarsdóttir flokkssystir Ögmundar Jónassonar sem hefur stutt árásir vagnstjórans á framkvæmdastjórann blandar sér ekki í málið og er ekki meðal fyrirspyrjenda. Svandís var um tíma í stjórn byggðasamlagsins um Strætó og veit hve málstaður vagnstjórans er veikur.

Betur færi ef formaður St.Rv og BSRB gengju hægar um dyr og kynntu sér málavöxtu áður en þeir gera atlögu að mannorði og starfi framkvæmdastjóra Strætó bs.

Í fyrirspurn sinni tala þau um að trúnaðarmaður hafi verið rekinn, en gæta þess ekki að hann sagði af sér sem slíkur á síðasta ári og kosningar hafa ekki farið fram í fulltrúaráð St.Rv. síðan,

Hér á eftir fara niðurlagsorð borgarstjóra við fyrirspurn framsóknarmannsins og samfylkingarmannsins: 

 

 

"Borgarstjóri hefur kynnt sér umrætt mál mjög vel og meðal annars farið yfir það með fulltrúa 

Reykjavíkurborgar í stjórn Strætó bs. Samkvæmt þeim upplýsingum sem borgarstjóri hefur aflað 

þá er engin ástæða til að ætla annað en að forsvarsmenn Strætó bs. hafi farið í einu og öllu eftir 

þeim lögum og reglum sem gilda þegar um uppsagnir er að ræða og hafi haft hag fyrirtækisins að 

leiðarljósi í sinni ákvarðanatöku. 

Borgarstjóri treystir því að stjórn og starfsmenn Strætó bs. vinni saman af heilindum til þess að 

tryggja að það náist sátt um starfsemi fyrirtækisins með hagsmuni almennings og starfsmanna í 

huga."

 

Ólafur F. Magnússon