Hefur Jóhannes Gunnarsson fyrrverandi vagnstjóri eitthvað að fela?

Eftir að hafa lesið lauslega greinargerð lögmanns Strætó bs. í héraðsdómsmálinu Jóhannes Gunnarsson gegn Strætó bs. vakna margar spurningar. Spyrja má hvers vegna í ósköpunum Jóhannes fer af stað með málið á jafn hæpnum málefnalegum og lagalegum grundvelli og raun ber vitni um. Hinir starfsmennirnir sem voru með honum drukknir á Hlemmi iðruðust gjörða sinna í samtölum við framkvæmdastjóra sinn og málið féll dautt hvað þá varðar.

Jóhannes Gunnarsson fór einn fjögurra gegn skynseminni með sært stolt að eina vopni og fékk liðstyrk fram Starfsmannafélagi Reykjavíkurborgar og BSRB í vonlaus málaferli.

Eins og ég hef áður bent á veit Lalli Johns að enginn má vera drukkinn og með áfengi um hönd á Hlemmi og ætti því þáverandi forystumaður starfsmanna Strætós að skilja svo einfalda hluti. Hvað þá að ekki má vera drukkinn og veifandi áfengi í vinnutíma  innan um viðskiptavini fyrirtækisins og það á kaupi.

Ég sakna þess að Jóhannes Gunnarsson skuli ekki birta stefnu sína á heimasíðu sinni "bus.blog.is" ásamt bréfi lögmanns BSRB og öllum öðrum kærum sínum á hendur Reyni Jónssyni framkvæmdastjóra Strætós.

Hefur Jóhannes Gunnarsson fyrrverandi vagnstjóri eitthvað að fela?