Hvað er til ráða þegar kleinufeitin freyðir?

Mikil atorkukona sem aldrei fellur verk úr hendi hafði samband við mig í kvöld og bað mig að finna skýringu á því að feitin sem hún notar til að steikja kleinur og parta freyðir mikið.

Hafi einhver hér á Moggabloggi ráð fyrir konuna er hann/hún beðin að tjá sig í athugasemdadálki og ég mun þá koma upplýsingunum áfram. 

Athugasemdir

[Axel Jóhann Hallgrímsson, 30.5.2008 kl. 08:49]

Ég myndi telja að það væri orðið of hátt hlutfall af vatni í feitinni!

[Heimir Lárusson Fjeldsted, 30.5.2008 kl. 10:49]

Ég held það líka Axel, en......

[Axel Jóhann Hallgrímsson, 30.5.2008 kl. 17:11]

Það mætti prufa að hita feitina vel og halda henni heitri nokkurn tíma án þess að steikja nokkuð og reyna þannig að eima vatnið úr. Sakar ekki að prufa. Svo kann einfaldlega að vera kominn tími á hana.

[Heimir Lárusson Fjeldsted, 30.5.2008 kl. 17:14]

Framleiðandinn hefur haft samband og starfsmaður hans er þessa stundina á heimili konunnar að kanna málið.

Þetta kallar maður þjónustu!

[Halldór Þórðarson/dóritaxi, 30.5.2008 kl. 17:28]

 

Eitt ráð er að henda aldrei allri gömlu feitinni heldur bæta nýrri samanvið hluta af þeirri gömlu þannig haldast bragðgæði "mömmu kleinanna" og feitin þarf hellst að sjóða einu sinni og kólna alveg niður áður en hún er tilbúin til að nota til steikinga á ekta kleinum.

[Axel Jóhann Hallgrímsson, 31.5.2008 kl. 10:44]

Já, sannarlega góð þjónusta. Gaman væri að fá fréttir þegar botn er kominn í málið.