Býð mig fram í starf vesturborgarstjóra.

Vissulega fagna ég ráðningu Jakobs Frímanns í starf miðborgarstjóra og tek þar með undir orð Regínu Ásvaldsdóttur.

Það er engin vafi á að Jakob Frímann mun leysa öll lagaleg vandamál fljótt og vel af hendi. Það er leitun að lagvissari manni.

Í þessu sambandi vil ég benda Ólafi F. á það að ekki hefur verið ráðið í starf vesturbæjarstjóra. Ég er á lausu, en helsti galli minn er sá að ég er ekki eins lagviss og Jakob Frímann, að öðru leyti treysti ég mér vel í starfið. 

Ólafur F. getur þó treyst því að vegna þess að ég er ekki eins lagviss og Jakob Frímann mun ég ekki fara fram á sömu laun og hann. 

Fagnar ráðningu Jakobs Frímanns