Fríkirkjuvegi 11 verður ekki gerð betri skil en hjá athafnaskáldinu Björgólfi Thor Björgólfssyni.

Allir hugsandi menn hljóta að fagna þessari ákvörðun meirihluta borgarráðs að selja Björgólfi Thor Björgólfssyni Fríkirkjuveg 11.

Það eru tiltölulega fá ár síðan Björgólfur Thor var erlendis við nám og kom heim í sumarvinnu til að kosta nám sitt. 

Þá höfðu foreldrar hans ekki mikið umleikis og Björgólfur Thor leigði herbergi niður í Hafnarstræti þar sem hann bjó.

Hann rak Tunglið í Lækjargötu nokkur sumur og sá sér þannig farborða.

Eitt sumar vann hjá Viking-brugg  og þá um haustið var fyrsta "Októberfestið" haldið.

Þeir feðgar hurfu til Rússlands ásamt Magnúsi Þorsteinssyni og völdum mannskap frá Gosan/Viking-brugg.

Þar hófst ferð sem ekki er lokið.

Fríkirkjuvegi 11 verður ekki gerð betri skil en hjá athafnaskáldinu Björgólfi Thor Björgólfssyni. 

Kauptilboði Novator tekið

Athugasemdir

[Björn Heiðdal, 26.4.2008 kl. 08:04]

Þú verður ekki ríkastur með góðmennsku að vopni.  Alveg sama hvort Bjöggi byrjaði með hendur tómar og gekk í barnaskóla þá hefur hann troðið á fólki til að fá sitt fram.  Skammað mann fyrir að veikjast sem var að vinna fyrir hann.  Sagði að honum kæmi það ekki við heldur þyrfti að klára verkið á tíma!  Þetta var bara venjulegur smiður á tímakaupi.  Góður gæi?

[Heimir Lárusson Fjeldsted, 26.4.2008 kl. 12:15]

Þú kannt ekki við efnamenn Björn?

[Björn Heiðdal, 26.4.2008 kl. 13:19]

Ég kann ekki við fólk sem segir ósatt.  En auðvitað má Bjöggi kafa í vasana mína en bara ekki eftir peningum....

[Heimir Lárusson Fjeldsted, 26.4.2008 kl. 13:23]

Ég hef aldrei reynt BTB að ósannsögli.

Hvað á hann að sækja í þína vasa????

[Björn Heiðdal, 26.4.2008 kl. 17:41]

T.d. að það sé gott fyrir mig að "þjóðin" stofni varasjóð eða var það pabbi hans sem sagði þetta?

[Heimir Lárusson Fjeldsted, 26.4.2008 kl. 18:12]

Mér finnst að Björgólfur eldri hafi heilmikið til síns máls þegar hann leggur til að stofna þjóðarsjóð.

[Björn Heiðdal, 26.4.2008 kl. 19:10]

Ekki veit ég um hvað þessi tillaga snýst en sennilega þarf að afla peninga í sjóðinn.  1) Nýr skattur, 2) Lífeyrissjóðir, 3) Erlend lán eru þær leiðir sem eru færar en ég hélt bara að við hefðum svokallaðann ríkissjóð til að fjármagna samneyslu.  Í hvað eiga peningarnir mínir að fara?

[Heimir Lárusson Fjeldsted, 26.4.2008 kl. 20:04]

Við skulum passa buddurnar okkar vel Björn.