Líf án áskorana er ekkert líf.

Ekki á morgun heldur hinn kemur vorið.

 

Reyndar finnst mér að vorið sé komið fyrir löngu, en Mogginn sagði í gær að vorið komi ekki fyrr en á þriðjudag. Þá er það svo.

 

Ég ætla samt  í góðan göngutúr með vænum skammti af brekkum.

Einhvernvegin er það svo að lífið hefur verið ríkt af brekkum hvað mig varðar og ekki síður stríðum straumum,  á móti.

Mér lætur illa að láta berast með straumi og ganga undan halla.

 

Vellíðan í starfi og leik hefur fyrr en varir birst mér sem stöðnun og líf án tilgangs og tilbreytingasnautt.

 

Mörgum þykir þetta undarleg afstaða til lífsins þæginda, en misjafnlega erum við af Guði gerð og misjafnar kröfur gerum við til lífsins.

 

Líf án áskorana er ekkert líf.