Sjey ár í fongsul

25 ára gamli íslendingurin sum alla vikuna hevur sitið fyri nevningatinginum í Føroya rætti, fekk á midnátt dómin. Sjey ár inn at sita, hann verður útvístur og sleppur ongantíð aftur til Føroya

Randi Jacobsen - email: [e-mail]    Leygardagur 12. apríl 2008, kl. 00.14 Dimma.fo

	Tekning: Janus Guttesen

Nevingarnir brúktu í dag drúgva tíð um at koma fram til, at 25 ára gamli íslendingurin, sum varð ákærdur bæði fyri at hava havt ovurstóra nøgd av sterkum rúsevnum í varðveitslu, fyri at hava luttikið í at smugla rúsevnini úr Føroyum og fyri at hava tikið ímóti stórari nøgd av rúsevnum, ið skuldu latast einum ókendum persóni í Føroyum, var sekur í hesum ákærunum.
Klokkan 22.30 í kvøld fóru nevningarnir og løgfrøðiligi dómarin undir at áseta, hvørja revsing maðurin skuldi hava, og á midnátt kom úrslitið.
Maðurin varð dømdur sjey ára fongsuelsrevsing. Hann verður vístur av landinum og kann ongantíð aftur koma til Føroya.
Hetta, segði maðurin annars fyrr í kvøld, var harðasta revsing hann kundi fáa, tí hann kennir seg meira heima í Føroyum enn í Íslandi, hóast hann ongi nær skyldfólk hevur í Føroyum.
Maðurin verður sitandi í varðhaldinum við atliti til, um hann fer at kæra dómin.

© Dimmalætting

Dæmdur í 7 ára fangelsi