Úr starfsreglum fulltrúaráðs Starfsmannafélags Reykjavíkurborgar.

4. gr.
Hlutverk fulltrúa og fulltrúaráðs skal vera:

1. Að marka stefnu félagsins í hagsmunabaráttu þess hverju sinni, að svo miklu leyti, sem það telur sér fært án þess að leita til almenns félagsfundar.
2. Að ræða öll meiriháttar félagsmál, og taka ákvörðun um afgreiðslu þeirra.
3. Fulltrúar hverrar starfsdeildar eru trúnaðarmenn umbjóðenda sinna við yfirmenn viðkomandi stofnana. Ef fulltrúum tekst ekki að ná viðhlítandi samkomulagi, ef til ágreinings kemur þeirra á milli fyrir hönd umbjóðenda, ber þeim að snúa sér þegar til stjórnar félagsins, sem þá þegar tekur málið að sér. Fulltrúum er skylt að gera stjórn félagsins skriflega grein fyrir öllum ágreiningsatriðum, sem þeir hafa afskipti af innan sinna deilda, hvort sem þeim tekst að leiða þau til lykta eða ekki.
4. Fulltrúar skulu sjá um dreifingu blaða, bréfa og annarra tilkynninga, sem félagsstjórnin þarf að koma til félagsmanna hverju sinni. Þeir skulu og sjá um að allar auglýsingar frá félaginu séu settar upp á sem heppilegustum stað fyrir félagsmenn í hverri deild.
5. Fyrsti fulltrúi skal þegar að kosningu lokinni kalla saman samfulltrúa sína, bæði aðalfulltrúa og varafulltrúa, þeir skipti með sér verkum, sjái um að reglum um trúnaðarmenn á vinnustað sé fylgt og hafi fullt samstarf við aðra trúnaðarmenn. Varafulltrúar séu boðaðir á fundi fulltrúa innan deildanna og hafi þeir þar fullt málfrelsi og tillögurétt.
6. Kjörnir trúnaðarmenn á vinnustað skulu hafa fullt samstarf við fulltrúa St.Rv. varðandi samskipti þeirra við yfirmenn viðkomandi stofnunar, svo og um deilumál, sem upp kunna að koma á vinnustöð. Trúnaðarmenn á vinnustöð hafi greiðan aðgang að fulltrúum og fulltrúaráðsfundum með fullu málfrelsi og tillögurétti.