Verðbréfagæjarnir mótmæla eldsneytisverði á leikföngin.

Þetta lítur hlægilega út. Bensínhákar sem notaðir eru sem leikföng eru aðaltromp mótmælenda.

Hefði heldur viljað sjá eigendur vörubíla, sendibíla, leigubíla og rútubíla mótmæla en síst af öllu leikföng verðbréfagæjanna. 

Viðbúnaður á Austurvelli

Athugasemdir

[Baldvin Mar Smárason, 1.4.2008 kl. 16:47]

Verðbréfagæjanna?

Ég held að jeppakallar séu eins langt frá því að vera verðbréfakallar og þú getur fundið.

[Heimir Lárusson Fjeldsted, 1.4.2008 kl. 16:51]

En leikfangakenningin, stendur hún?

[Davíð (IP-tala skráð) 1.4.2008 kl. 16:57]

Auðvitað hljóta að vera jeppamenn í verðbréfageiranum eins og í öllum öðrum geirum. Viljinn til að leika sér og ferðast er að öllum líkindum ekki bundinn við afmarkaðar starfsstéttir

[Heimir Lárusson Fjeldsted, 1.4.2008 kl. 17:04]

Ádeila mín snýst ekki um verðbréfagæja, heldur það að menn á dýrum leikföngum en ekki atvinnutækjum skuli vera í fararbroddi mótmælenda.

[Birkir (IP-tala skráð) 1.4.2008 kl. 17:10]

Jaaa, er ekki ástandið á fjármálamarkaðinum þannig að meira að segja verðbréfagæjarnir verða að draga saman seglin í fjárútlátum . En án gríns þá ættu allir að mótmæla, hvers konar ökutæki sem þeir gera út.

Árni Matt segir að hlutfallslega sé hlutur ríkisins í eldsneytislítranum minni en áður. Það er rétt að fasta krónutalan er hlutfallslega minni en hlutfall virðisaukaskattsins verður meira og meira og þar með stórgræðir ríkið á þessum hækkunum. Ríkið lækkað álögur þ.e. fastagjaldið og jafnvel virðisaukann en verið samt með innkomu í samræmi við fjárlög. Það þýðir að ríkið heldur sínu og fólkið í landinu fær eldsneyti á mun lægra verði. Ef fram heldur sem horfir þá væri sjálfsagt hægt að hætta með fastagjaldið og tekjur af virðisaukaskatti dekka það sem ríkið áætlar að fá í tekjur af eldsneytissölu.

[Heimir Lárusson Fjeldsted, 1.4.2008 kl. 17:12]

Hvernig er eldsneytisverð í evrulöndunum?

[Kjartan Pétur Sigurðsson, 1.4.2008 kl. 17:40]

Mig grunar nú að þeir sem voru í fararbroddi hafi verið atvinnubílstjórar. Í dag er mikill fjöldi á breyttum bílum notaðir við flutninga á ferðamönnum inn á hálendið og jökla landsins. Spurning hvort væri ekki einfaldast að atvinnubílstjórar sem hafa atvinnu að því að flytja ferðamenn fái að aka á lituðu eldsneyti.

[Jóna María Þorgeirsdóttir, 1.4.2008 kl. 22:03]

Yfir 70% af fólkinu í mótmælunum í dag voru á trailerum, sendibílum og leigubílum, örfáir jeppar sáust sem var jú synd þar sem þetta var gert í nafni ferðaklúbbsins 4x4. Lang flestir sem eiga svona "beinsínháka" og "leikföng" eins og þetta er orðað hér keyra um á litlum bílum dagsdaglega, þó auðvita sjást stökusinnum jeppar á götum, þannig það eru ekkert allir að spreða bensíninu þó það taki þátt á stóru bílunum sínum í mótmælum.

[Heimir Lárusson Fjeldsted, 2.4.2008 kl. 09:01]

Leiktækjadeild Ferðaklúbbsins 4x4 stóð fyrir mótmælunum og gerir þau um leið ótrúverðugari.

[Árni Gunnarsson, 3.4.2008 kl. 17:54]

Mótmæli fólksins á götunni eru mér að skapi. Þessi pólitíska elíta hefur löngu gleymt því að hún er í vinnu hjá okkur og má þakka okkur og Guði fyrir að hafa ekki verið rekin úr vinnunni fyrir löngu vegna heimsku og sviksemi.

Hinsvegar er réttlætiskennd mín steinsofandi hvað varðar mótmæli einhverra jeppakalla sem sjá fram á hækkun á tómstundasköttum.

Atvinnubílstjórar verða að selja sína vinnu með þeim aukakostnaði sem hækkunin skapar þeim. En umhverfisvitund mín slær ekki í takti við Ferðaklúbbinn 4x4.

[Heimir Lárusson Fjeldsted, 3.4.2008 kl. 18:04]

Hjartanlega sammála seinni tveimur málsgreinum þínum frændi.