Frábært í Elliðaárdalnum.

Veðrið til útivistar er með fádæmum gott í dag. Við Sigurbjörn bróðir héldum í Elliðaárdalinn og gengum það stóran hring í mikilli friðsæld og fegurð.

Margt var um manninn, en á skógargötunum nutum við þó kyrrðarinnar, mættum brosmildu fólki sem bauð góðan dag með gleði í röddinni og árniðurinn lék undir.

Mikið er í ánum miðað við sumardag og eru þær tignarlegar á að líta.

Við vorum sammála um það bræðurnir að við kæmum betri menn úr svona göngutúr þó varla sé ábætandi. 

 Á eftir þáðum við hressandi kaffisopa á Gunnarsbraut 51 hjá búsetu- og stuðningsþjónustunni.

Margt fólk á skíðasvæðunum