Þáttur dópsalanna á eftir að koma í ljós.

Þá er komið að aðalmeðferð í fáránlegasta kærumáli það sem af er öldinni.

Dópsalar bera eiturlyf á nokkra eitursjúklinga til að koma höggi á Guðmund Jónsson í Byrginu, því hann náði að þeirra mati alltof góðum árangri í að halda þessum sjúklingum frá götunni, tiltækum ráðum til að afla fjár og eiturlyfjaneyslu.

Tekjur dópsalanna hrundu og leikurinn auðveldur að koma höggi á Guðmund með sjúkum konunum.

Árangur eiturlyfjabarónanna munum við sjá í réttarsölum.

Skyldi koma krókur á móti bragði hjá Guðmundi Jónssyni? 

Hvaðan kemur dópið? ekki verður það til í vösum neytendanna.

Það er álit manna að tíu dópistar gefi af sér eitt hundrað milljónir króna í brúttótekjur á ári.

Athugasemdir

[Axel Jóhann Hallgrímsson, 14.3.2008 kl. 13:08]

Ekki er ég í vafa að þessir óþverar hugsa ekki hlýlega til þeirra sem taka frá þeim viðskiptavini.

En hvaða tæki heldur þú að þeir hafi notað til að hræra í bókhaldi Guðmundar? Hljóta að hafa verið öflugar græjur, því þar stendur víst ekki steinn yfir steini.  Kannski krókur Guðmundar verði að afrugla bókhaldið? Þarf víst einhver töfrabrögð til þess, ef marka má fréttir.

 Smá pæling.

[Heimir Lárusson Fjeldsted, 14.3.2008 kl. 13:32]

Auðvitað klikkaði Félagsmálaráðuneytið á að senda ekki mann t.d. einu sinni í mánuði til að færa bókhaldið fyrir Guðmund sem hafði auðsjáanlega öðrum hnöppum að hneppa.

Þetta var jú opinbert fé og auðséð að það var Guðmundi ofviða að færa bókhaldið. Samt var þetta langódýrasta meðferðarstofnunin á landinu.

[Axel Jóhann Hallgrímsson, 14.3.2008 kl. 13:48]

Það var að sjálfsögðu Guðmundar að sjá um bókhaldið, ekki viðskiptavinarins.

Ég er með fyrirtæki sem heitir Skagstrendingur ehf. Ég læt færa bókhaldið út í bæ, eitt virðisaukatímabil í einu. Það hefur kostað þetta 12 til 16 þúsund í hvert sinn eftir fjölda fylgiskjala. Svo er endanlegur frágangur og ársreikningur þar fyrir utan.

Þannig að Guðmundi var engin vorkunn hvað bókhaldið varðaði. En hann kaus aðra leið. Þurfti að nota féð í annað.

[Heimir Lárusson Fjeldsted, 14.3.2008 kl. 13:57]

Þú snýrð út úr orðum mínum og þykist ekki vita hvað ég meina Axel..þitt mál.

[Axel Jóhann Hallgrímsson, 14.3.2008 kl. 16:53]

Nei Heimir  ég er alls ekki að snúa út úr orðum þínum.  Þú kýst að líta einungis, með mjög dökkum gleraugum,  á meðferðarþátt málsins, þótt umdeildur sé. Meðferð sem komin var út í flaskar trúar og handar yfirlagningar senur, þar sem Guð - mundur hrinti fólki frá sér. Tilgangurinn var að láta líta út sem það hefði fallið í trans undan hendi Guð(s. - mundar)

Þetta sést glöggt á myndum sem teknar voru á samkomum hjá þessum Guð - mundi. Þetta kann að hafa hrifið á einhverja, læknað einhverja um stundarsakir en vart varanlega.

En eftir stendur aðalatriði þessa máls. Guð - mundur var að svíkja út almannafé og nota það að verulegum hluta í eigin þágu eins og fram hefur komið við rannsókn málsins.  Fé sem fór í hans persónulega rekstur.

Á að líta framhjá því, af því að "einhver hugsanlegur árangur" náðst?

Væri ekki nær að nota peningana þar sem þeir skila sér betur til, og í þágu þeirra sem virkilega þurfa þeirra með í þessum skugga heimi?

Hvað er það sem gerir þetta að fáránlegasta kærumáli aldarinnar, eru það "falskar kærur" um fjársvik eða eru það "falskar kærur" kvenna sem segja þær hafa verið misnotaðar af manni sem þær báru óskorað traust til. Og kannski ekki hvað síst vegna þess orðs sem fór af honum, orðspors sem reyndist tálsýn og fals.

Á kannski bara að gleyma þessu, endurreisa Byrgið í fyrri mynd og byrja að senda Guð - mundi ávísanir á ný eins og ekkert hafi í skorist, segja þessum konum að gleyma þessu, þetta hafi jú verið í þeirra þágu gert?

Hvernig viltu láta þetta mál enda Heimir?

[Heimir Lárusson Fjeldsted, 14.3.2008 kl. 20:47]

Það er samdóma álit fólks sem tilheyrir þessum geira, að enginn hafi náð betri árangri en Guðmundur í að rétta við örlagabytturnar, því það voru sannarlega þeir verst förnu sem fóru í Byrgið.

Guðstalið leiði ég hjá mér.

Þú segir þær misnotaðar...

Þetta eru lífsreyndar konur og myndbandið sem gekk á netinu sýndi kannski misnotkun, en þá var karlinn misnotaður.....