Krabbinn og kynin.

Ég fagna mjög uppgötvun Heilbrigðisráðherra og Krabbameinsfélags Íslands að kynin séu tvö og bæði geta fengið krabbamein.

Ég er minnugur þess að þegar ég kom heim af sjúkrahúsi fyrir þremur árum eftir "krabbameinsbrottnámsskurðaðgerð" fékk ég bréf frá Krabbameinsfélaginu.

Ég hugsaði sem svo meðan ég stóð með umslagið óopnað í höndunum að skráning krabbameinstilvika væri svo sannarlega góð og enginn gleymdist.

Mikil undrun mín þegar erindi félagsins birtist mér; mér var boðið að þiggja einhverskonar sálgæslu á vegum Krabbameinsfélagsins vegna aldraðrar frænku minnar sem hafði sofnað svefninum langa af völdum krabbameins nokkrum mánuðum áður.

Ég hefði þegið stuðning þá vegna eigin krabbameins, en hann var ekki í boði. 

 

Karlmenn séu vakandi fyrir krabbameinseinkennum