Náðist sem betur fer.

Um klukkan tvö ( fyrir fimmtán mínútum) var ekið á gangandi vegfaranda fyrir framan hótel Lind við Rauðarárstíg.

Undirritaður vaknaði við dynk myndaðan við árekstur og síðan hróp í konu og orðin: "stakk hann af?" frá annarri konu. 

Þar sem undirritaður hafði nýlega fest svefn gerði hann sér varla grein fyrir hvort þetta var frá sjónvarpstæki næsta herbergis (hátt stillt), eða raunveruleikinn kaldur fyrir utan gluggann.

(Auðvitað var það ekki sjónvarpið því tillitssemin á sjúkrahóteli er allsráðandi). 

Kona var fyrir um átta mínútum keyrð á brott í sjúkrabíl og lögreglan er þessa stundina að skrásetja vettvang. 

Ekið á gangandi vegfaranda

Athugasemdir

[Jón Birgir Valsson, 3.3.2008 kl. 08:52]

Þetta hljómar eins og atriði úr amerískri bíómynd. Alveg er það samt með ólíkindum hvað margt fólk sem veldur tjóni í umferðinni er óforskammað að reyna að stinga af af vetvangi ef það telur sig hafa einhverja smugu til þess. Ég tala nú ekki um þegar einhver ekur á manneskju og reynir svo að stinga af. Það er gunguháttur og glæpsemi á hæsta stigi.

[Heimir Lárusson Fjeldsted, 3.3.2008 kl. 09:03]

Hjálpsemi samborgaranna er mikil þegar svona er, þrennt ungt fólk á Skoda skutbíl kom þarna strax að og hlúði að konunni ásamt starfsmanni hótelsins. Þau yfirgáfu ekki staðinn fyrr en allt var um garð gengið og lögregla farin af vettvangi.

[Heimir Lárusson Fjeldsted, 4.3.2008 kl. 09:46]

Ökumaður Skodans hafði samband við mig og tjáði mér að hann hafið verið á staðnum og þau hafi verið að athafna sig við að ferma bílinn þegar bíll kom aðvífandi og ók á konuna sem varð á milli bílanna.

Miðað við stöðu Skodans fyrir utan sjúkrahótelið dró ég ranga ályktun og biðst afsökunar á því.

[Heimir Lárusson Fjeldsted, 4.3.2008 kl. 18:51]

Ökumaður Skodaskutbifreiðarinnar hafði samband aftur og er ekki sáttu við frá sögn mína af vettvangi.

Ég get reyndar ekkert gert við því. En óánægja hans beinist aðallega að athugasemd nr. 2 hér að framan þar sem mér sást yfir eða öllu heldur vissi ekki að þau voru þarna þegar slysið átti sér stað og iðrast ég þess að hrósa þeim fyrir hjálpsemi á slysstað.

Þá dregur hann í efa að ég hafi verið í aðstöðu til að fylgjast með framvindu mála og staðsetningu Skodans, en ég var í góðri aðstöðu á þriðju hæð hótelsins með ágæta myndavél sem ég notaði.

Ég vona að hann jafni sig fyrr en seinna eftir þetta mikla áfall sem hann hefur orðið fyrir.