Línur skýrast.

Að hlusta á formann Vinstri grænna í Silfri Egils þessa stundina er eins og að hlusta á talsmann Alþýðubandalagsins sáluga, því slíkt er afturhaldsrausið.

Hann berst á hæl og hnakka gegn hverskyns framförum og hefur gert, enda ber fylgi flokksins það með sér.

 

Svipað er upp á  teningnum hjá Árna Páli Árnasyni, sem hvetur til samdráttar í framkvæmdum, með það fyrir augum að lækka verðbólgu, þrátt fyrir að atvinnuleysi fylgi í kjölfarið.

 

Þessir tveir  annars glæsilegu fulltrúar alþýðuflokkanna íslensku eru í engum tengslum við grasrótina; alþýðu manna sem stendur öðrum fremur undir hagsæld þjóðfélagsins.

 

Ég á svolítið erfitt með að meta orð og skoðanir Sæunnar Stefánsdóttur Framsóknarmaddömu í þættinum, enda yrðu þær skoðanir mínar litaðar af samhug með henni (Sæunn er KR-ingur).

 

Einar Kristinn Guðfinnsson landbúnaðar- og sjávarútvegsráðherra er rök-fastur og fimur sem endranær og er sjálfum sér og Vestfirskri arfleifð sinni til sóma.

Styður áframhaldandi stóriðjuframkvæmdir

Athugasemdir

[Sigurður Þórðarson, 2.3.2008 kl. 17:29]

Hún er svona þessi pólitík.  Hvernig heldurðu að gangi hjá KR í sumar?  Ferðu stundum á leiki?

[Heimir Lárusson Fjeldsted, 2.3.2008 kl. 17:38]

KR á eftir að ganga vel sæmilega í sumar ef fer sem horfir. Góður mannskapur og góður þjálfari, umgjörð eins og best verður á kosið og tryggustu stuðningsmenn sem um getur frá landnámi.

Þegar allt þetta smellur saman verður árangurinn góður.

Ég fer á alla þá leiki sem ég get vinnu vegna. Í kvöld er leikur í Egilshöllinni kl. sjö gegn Fjölni og eiga KR-ingar harma að hefna frá Reykjavíkurmótinu um daginn þegar eldhressir Fjölnismenn lögðu mína menn að velli 4-2 að mig minnir.

Það eru allir KR-ingar inn við beinið enda KR fyrsta og reyndar eina félagið frá landnámsöld og allar götur fram yfir aldamótin 1900.

[Halldór Þórðarson/dóritaxi, 2.3.2008 kl. 19:26]

Tek undir þetta með Einar Kristinn Guðfinnsson hann er betri en enginn fyrir okkur hér fyrir vestan,,,,, ég er kominn vestur, þetta gekk bara vel skafrenningur á köflum, bið að heilsa dívunum, kveðja Dóri

[Halldór Þórðarson/dóritaxi, 2.3.2008 kl. 20:16]

Einar k. Guðfinnsson er betri en enginn fyrir okkur hér fyrir vestan, ég er kominn til Patró, gekk bara vel, skafrenningur á köflum en góð vetrarfærð, þú skilar kveðju á loftið sérstaklega til "dívanna" kv,  dóri

[Heimir Lárusson Fjeldsted, 2.3.2008 kl. 20:27]

Þú hefur aldeilis verið snöggur Dóri, eins og heimfús klár. Ég skila dívunum bestu kveðjum frá þér!