Höskuldur Kári Schram fréttamaður.

Það þykir kannski ekki góð latína að nafngreina fréttamann í neikvæðri umfjöllun. Málið er það alvarlegt að mínu mati að nauðsynlegt er.

Ég var að hlusta á fréttir á Stöð 2 og ambögurnar sem Höskuldur Kári lætur sé um munna fara  eru þess eðlis að ekki er hægt að una.

Fréttir heyrast á tugþúsunda heimila og þótt við fullorðið fólkið gerum okkur grein fyrir þegar tungunni er misþyrmt, má ætla að börn og unglingar taki frekar til fyrirmyndar það sem heyrist í sjónvarpi, en rök foreldra og annarra uppalenda.

Ég vil mælast til þess að fréttamenn og fréttaþulir tali og fari með rétt mál.