Harkaleg árás á íslensku konuna.

Mér þóttu grófar aðdróttanir í garð Lóu frá Brú í texta þeim sem forsætisráðherra Geir Hilmar Haarde og Ásbjörn Kristinsson Morthens fluttu á sviði Austurbæjar s.l. miðvikudagskvöld.

Þar kemur fram að nefnd Lóa sé "fatafrík" og leggja þurfi nótt við dag að vinna fyrir meintum veikleika hennar. Eða eins og segir: " því Lóa þarf að fá sér förin ný". Svo greinlega sett fram í því skyni , eingöngu,  að því er virðist að sverta ímynd hennar og líklega kynsystra hennar.

Ekki er nóg með það heldur er hún sökuð um fjöllyndi svo ekki verður um villst.

"Hún er alltaf svo blíð við aðra en hann".

Ekki held ég að gengið verði lengra í aðdróttunum að íslensku kvenfólki, en Lóa frá Brú hefur löngum verið samnefnari íslensku konunnar.

Athugasemdir

[Gísli Baldvinsson (IP-tala skráð) 22.2.2008 kl. 18:21]

En Geir er betri stjórnmálamaður en "söngvari"

[Heimir Lárusson Fjeldsted, 22.2.2008 kl. 20:14]

Geir Hilmar er góður stjórnmálamaður.