Ólafur Ragnar og Dorrit skilja á komandi ári.

Margt fróðlegt og skemmtilegt kemur í ljós við lestu völvuspár Vikunnar fyrir árið 2008.
Björgólfur Guðmundsson mun áfram breiða úr sér og halda áfram að efla listir og menningu í landinu og sonur hans Björgólfur Thor heldur áfram að rísa og honum á eftir að vegna vel á árinu. Guði sé lof segi ég nú bara.

Eitt stórt fjársvikamál mun koma upp á yfirborðið á árinu að sögn völvunnar. Hvergi er þess getið að Baugur eigi hlut að máli.

Svona heldur völvan áfram og oft á tíðum setur að manni hroll við lesturinn.
Eitt er þó það sem vert er að gefa gaum þegar spádómar eru lesnir, en það er það sem ekki er sagt.
Sem dæmi um það sem völva Vikunnar lætur ósagt eins ljóst og það er hverjum manni er að Ólafur Ragnar og Dorrit munu skilja á árinu.
Þeim munu sem sagt loksins skilja að þau munu ekki vera valin til setu í Öryggisráði Sameinuðu þjóðanna hljóti Ísland sæti þar og munu því gera sér að góðu að sitja á friðarstóli á Bessastöðum eitthvað áfram. Líklega einhverjum til gleði.

Völvan spáir stjórnarslitum

Athugasemdir

[Kolbrún Baldursdóttir, 28.12.2007 kl. 18:53]

Ég var að heyra þessa svartsýnisspá nú í fréttum.
Mér leikur forvitni á að vita hvort eitthvað ef nokkuð af því sem Völvan spáði um áramótin í fyrra hefur ræst á árinu sem nú er að líða??

[Snorri Bergz, 28.12.2007 kl. 19:07]

Völvuspáin: KR fellur í 2. deild nk haust.

[Heimir Lárusson Fjeldsted, 28.12.2007 kl. 19:13]

KR þekki ekkir til þeirrar deildar sem þú vísar til Bergz, þar skákar þú okkur illilega. Ef þér þykir skorta á metnað hjá okkur máttu vera viss um að þú ert ævinlega velkominn í skákklúbbinn, enda er það þitt svið ef ég veit rétt. Við höfum á hæfu fólki að skipa í knattspyrnunni eins og þú veist.

Áfram Snorri KR Bergz

[Maddý (IP-tala skráð) 28.12.2007 kl. 20:54]

Kannski best að bíða bara og sjá til hvað skeður ...

[Völvuspááhugakona (IP-tala skráð) 28.12.2007 kl. 21:29]

Það var nokkuð mikið sem Valva vikunar hafði rétt fyrir, sér sá fyrir sér hrun framsóknar í kosningum og að sjálfstæðismenn og vinstrigrænir væru sigurvegarar kosningana,og svo sá hún embættiskipun á syni Davíð í dómara og deilurnar í kringum það og að FH yrði ekki 'Islandsmeistarar í fótbolta,hún sá offramboð á húsnæði og eignaskiptingu í Glittni og deilurnar í kringum trúmál og fl og fl.........

[Heimir Lárusson Fjeldsted, 28.12.2007 kl. 21:36]

Ekki efast ég eitt augnablik um spádómshæfileika völvu vikunnar, enda er það eina tölublað þess ágæta tímarits sem ég kaupi. Vel að merkja þrátt fyrir að Gurrí sé þar innanborðs.

[Heimir Lárusson Fjeldsted, 29.12.2007 kl. 00:52]

Ég sé núna að það má vel misskilja orð mín um Gurrí og vikuna.

það sem ég var að reyna að segja var að ég skammast mín fyrir að vera ekki dyggari kaupandi vikunnar því Gurrí á það skilið af samanlögðum karlpeningi íslensku þjóðarinnar að þeir lesi pistla hennar sem víðast.

Móðir í hjáverkum, ég hlakka til að heyra frá þér.