Tryggingastofnun ríkisins hvar ert þú?

Tryggingastofnun ríkisins er ekki mikið fyrir að svara fyrirspurnum frá mér. Ég hef í nokkra daga óskað eftir svörum frá stofnuninni varðandi brýn fjárhagsleg atriði tengd afsláttarkorti, en starfsfólkið er annaðhvort of fátt eða þá annars hugar þessa síðustu daga fyrir verslunarhátíðina miklu.

Það læddist að mér sá grunur rétt áðan að rétt væri að vekja athygli á samtalsþörf minni hér á Moggablogginu því áður hefur það reynst mér vel  að framkalla viðbrögð á þennan hátt.

Ég er bara að velta fyrir mér endurgreiðslunni og hefði vel getað notað féð á fórnaraltari verslunarhátíðarinnar. 

Athugasemdir

[Heimir Lárusson Fjeldsted, 21.12.2007 kl. 15:32]

Mér datt það í hug. TR hringdi og sagði mér að afsláttarkortið væri farið í póst (fæ það þá eftir viku).

Niðurstaða: Ef þú þarft á Tryggingastofnun ríkisins að halda sendu þeim þá bara skilaboð á blog.is og samband er haft um hæl. Hvað skyldu annars margir vera á bloggvaktinni hjá TR?