Hrós dagsins - MoggaBloggið

Ég hef verið að velta því fyrir mér hver mín andlega næring hefur verið að undanförnu. Niðurstaðan sem ég hef komist að er að mín aðal næring er það sem miður fer í kringum mig og hef ég gjarnan bloggað hér á blog.is um viðhorf mín.
Þetta er þreytandi til lengdar.
Hef ég því ákveðið að breyta stefnunni og blogga framvegis um það sem jákvætt er og hróss vert. Þar sem neikvæðnin virðist mér svo nærrri, ætla ég ekki að setja mér hærra mark í bili en að halda þetta út til loka mánaðarins.
Vonast ég til að geta bloggað að minnsta kosti eitt hrós á dag.
Eftir að hafa tekið þessa ákvörðun liggur eiginlega beinast við að hrósa sjálfum mér fyrir stefnubreytinguna, en ég ætla ekki að gera það.
Ég ætla að hrósa Morgunblaðinu fyrir að gefa okkur tækifæri til að viðra skoðanir okkar á þessum vettvangi gagnrýnislaust, sem sýnt hefur að fólki er treystandi í langflestum fyrir því sjálfræði sem í því felst.

Athugasemdir

[María Anna P Kristjánsdóttir, 3.10.2007 kl. 11:29]

Alltaf gott að taka sjálfan sig í gegn öðru hvoru,þú hefur örugglega gluggað í bókina Leyndarmálið,hún fjallar einmitt um þetta, að horfa jákvæðum augum á umhverfi sitt.

[Heimir Lárusson Fjeldsted, 3.10.2007 kl. 11:37]

Að vísu ekki ennþá, en hlakka til að lesa hana sérstaklega ef ég er nú þegar á réttri leið;)

[Heimir Lárusson Fjeldsted, 3.10.2007 kl. 11:50]

Býrðu í Portúgal?

[Heiða Þórðar, 3.10.2007 kl. 14:16]

Það lýst mér rosalega vel á Heimir! Fylgist með þér...stattu þig strákur! 

[Heimir Lárusson Fjeldsted, 3.10.2007 kl. 14:28]

Þakka Heiða.

Reyni.

[Heimir Lárusson Fjeldsted, 3.10.2007 kl. 18:25]

Takk Björn.

Gangi þér líka allt í haginn.

[Katrín Snæhólm Baldursdóttir, 5.10.2007 kl. 13:22]

Þetta líst mér svo ljómandi vel á hjá þér..sé á færslunum hér fyrir ofan að þú ert að standa þig strákur í hrósinu og jákvæðninni. Það er bara svo miklu líklegra að maður lifi lengur og betur með því að einblína..nei hreinlega stara á allt það góða sem stöðugt sveimar í kringum okkur. Svo hættir það að vera átak og verður bara eins og hver annar vani. Áreynslulaust sér maður og upplifir allt það jákvæða og það neikvæða sem veldur gremju fær bara að fljúga framhjá án nokkurrar athygli.

Ég hrósa þér í hástert fyrir þetta Heimir!!!

[Heimir Lárusson Fjeldsted, 5.10.2007 kl. 13:52]

Ég er upp með mér Katrín :-)