Sveinn Benediktsson síldarspekúlant.

Sveinn Benediktsson síldarsaltandi var fyrirferðarmikill maður á velli a.m.k.
Hann ferðaðist með Esjunni síldarsumarið 1960 milli Siglufjarðar og Raufarhafnar einu sinni sem oftar.
Það var siður þá að skipstjóri og fyrsti vélstjóri buðu þekktum þjóðfélagsþegnum að sitja með þeim til borðs í hádegi og að kvöldi á fyrsta farrými.
Alltaf var fjór- og fimm réttað og ég 14 ára guttinn þjónaði til borðs.
Aftast í salnum stjórnborðsmegin var borð Bergsteins Bergsteinssonar 1. meistara og þar sat Sveinn Benediktsson ásamt fríðu föruneyti til borðs með Bergsteini.
Ég heyrði á tal þeirra er ég skammtaði vínarsnitzeli á diskana er Bergsteinn sagði:
"Getur þú ekki Sveinn minn gaukað að mér svo sem einu kvarteli?"
" Ég hef nú sjaldan verið spar á ölmusuna Bergsteinn minn" svaraði Sveinn þá við vandræðalega þögn spyrjandans.