Grétar Ólafur og Rúnar setja boltann þrisvar eða fjórum sinnum í dag.

Ég spái því að KR nái að leggja Framara í dag þótt svo að þeir síðarnefndu séu á bullandi siglingu undir stjórn Ólafs kappa Þórðarsonar.
Fram-liðið er fullt sjálfstrausts og þeir telja lítið mál að sigra vængbrotna KR-inga í dag því okkur vantar bæði Bjarnólf og Sigmund sem eru í banni.
Grétar Ólafur Hjartarson mun sýna svo ekki verður um villst að hann er einn besti framherji deildarinnar í dag þrátt fyrir að ekki hafi honum tekist að setja mörg mörkin í sumar. Hann á eftir að setja boltann tvisvar í markið í dag.
Síðan kemur að kempunni Rúnari Kristinssyni sem ekki hefur tekist enn að setja mark sitt í leiki sumarsins hann á eftir að setja a.m.k. eitt mark í dag ef ekki tvö.
Hvort þessi 3-4 mörk duga okkur til sigurs kemur ekki í ljós fyrr en laust fyrir kl sjö.