Fyrirsláttur.

Ekki heyrðist orð frá íbúunum þegar til stóð að Jón Ólafsson fengi að byggja kvikmyndahús, veitingastaði, bari og búllur í Laugardalnum sem ykkur er núna svo kær.
Ekki orð þegar bílastæði taka æ meira pláss í Laugardalnum ykkar.
Geðfatlaðir á sambýlum eiga ekki bíla og eru ekki á fylleríi fram undir morgun, efna ekki til nágrannaerja .
Þeir eru hnuggnir og hnípnir að berjast við sinn sjúkdóm sem aldrei lætur þá í friði.
Hver dagur, hver klukkustund og hver mínúta er þeim raun.

Lýsa furðu yfir að leyfa eigi að byggja hús í Laugardal

Athugasemdir

[hildur (IP-tala skráð) 20.9.2007 kl. 15:44]

Jú það heyrðist víst í íbúum þegar reiturinn við Suðurlandsbraut átti að fara undir byggingu. Og íbúar hafa víst lýst áhyggjum, og það oftar en einu sinni, yfir plássfrekum bílastæðum og lokuðum svæðum í Laugardalnum.  Enn hefur enginn svarað þeirri spurningu hvort málið væri bygging þarna eða engin bygging?

Baráttan fyrir laugardalnum sem grænu útivistarsvæði er löng og ekki enn lokið

[Heimir Lárusson Fjeldsted, 20.9.2007 kl. 16:24]

Mikið rétt Hildur þetta var misminni hjá mér varðandi Jón Ólafsson.

Segðu mér, eitt hús sambýli, er það kornið sem fyllir mælinn?

[hildur (IP-tala skráð) 21.9.2007 kl. 18:15]

Nei  en eftir stendur spurningin: Byggja þarna eða alls ekki? Byggjum flott fyrir alla geðfatlaða af reisn og myndarskap ekki seinna en strax. En ég skil bara ekki af hverju byggja þarf á þessum fáu opnum grænum svæðum sem eftir eru í Laugardalnum.

[Heimir Lárusson Fjeldsted, 21.9.2007 kl. 18:20]

Ekki hefur mér þótt mikil umferð gangandi fólks á þessum slóðum.

[Hildur (IP-tala skráð) 21.9.2007 kl. 18:41]

Er það mælikvarðinn? Og eftir stendur spurningin sem engin virðist geta/vilja svarað: Byggja þarna eða ekki? Og hvað með þau rök að gott sé fyrir geðfatlaða að búa við græn svæði og því vilji samtök þeirra byggja á grænum svæðum?

[Heimir Lárusson Fjeldsted, 21.9.2007 kl. 18:55]

Samtök geðfatlaðra eru ekki að fara að byggja eða hafa staðið í slíkum framkvæmdum.

Borgin ætlar að byggja eins og henni og ríkinu ber skylda til, því samfélagið, þú og ég meðtalin höfum gengist undir að axla þá ábyrgð og berum hana með þeim sóma sem okkur er fær.

Ég er aðstandandi geðfatlaðs manns og hef þurft að berjast fyrir mannréttindum hans á meðan hann hefur ekki burði til þess.