Fylgja forráðamenn opinberra fyrirtækja kjarasamningum eftir hentugleikum?

Hef verið að velta því fyrir mér undanfarnar vikur í hve miklum mæli forráðamenn opinberra fyrirtækja hunsa gildandi kjarasamninga trekk í trekk og ráða í stöður sem ekki eru aauglýstra eins og gert er ráð fyrir og samið um í smáatriðum.
Sumir skýla sér á bak við að um bráðabirgðaráðningu sé að ráða og víkja megi frá ákvæðum viðkomandi samnings, þrátt fyrir að andlag samningsins sé ótvírætt.
Ég þekki vel til fyrirtækis sem hefur ráðið í 6 stöður á undanförnum misserum án þess að auglýsa og af þessum 6 stöðum hefur verið ráðið í 5 bara í sumar.
Mikill urgur er í öðrum starfsmönnum vegna þessa því margir gætu hugsað sér að færa sig til innan fyrirtækisins eins og hvatt er til í starfsmannastefnu Reykjavíkurborgar svo dæmi sé nefnt.
Hvað er vandamálið stórt?