Hversvegna á Baugur að greiða lögfræðikostnað?

Ég var að velta því fyrir mér sem Jón Ásgeir Jóhannesson sagði um lögfræðikostnað Baugs uppá á annan milljarð króna.

Er Baugur að verjast málssókn?

Eru það ekki einstaklingarnir Jón Ásgeir Jóhannesson, Jóhannes Jónsson Kristín Jóhannesdóttir, Tryggvi Jónsson o.fl.?

Ég minnist þess ekki að Baugur sé á sakamannabekk.

Segjum sem svo að Baugur borgi brúsann. Verður þá lögmannaþóknunin færð sem rekstrarkostnaður Baugs og dreginn frá skattskyldum tekjum?

Athugasemdir

[Ólafur N. Sigurðsson, 24.7.2006 kl. 22:29]

Þeir eru eigendur&/starfsmenn baugs? Mega held ég alveg gera þetta.

[Heimir Lárusson Fjeldsted, 25.7.2006 kl. 12:19]

Sjálfsagt mega þeir láta Baug lána sér, en einhvernveginn finnst mér vera sá bragur á, að Baugur eigi að greiða sem sárabætur fyrir óþægindin.

Kannski er afstaða mín til eigenda Baugs lituð því þeir og Pálmi Haraldsson gerðu mér ófært að reka matvöruverslun mína og ég beið alltof lengi eftir að máttlaus samkeppnisyfirvöld gripu í taumana.

Þau heyktust á því og ég fór út úr rekstrinum eignalaus með margra milljóna skuldi á bakinu.

Meðulin sem þeir feðgar og Pálmi notuðu verða þeim ævarandi til skammar og afkomendum þeirra til minnkunnar.