Vísir að samstarfi KR og West Ham?

Mikill hugur mun vera í forráðamönnum enska úrvalsdeildarfélagsins West Ham að fá Celtic/KR-inginn Kjartan Henry Finnbogason í sínar raðir í haust.
Munu þeir hafa fylgst grannt með gangi mála hjá hinum unga framherja og hyggja gott til glóðarinnar ef hann gengur til liðs við KR og kemur sér í góða leikæfingu í sumar.
Ganga sögur um það að West Ham hyggist greiða laun hans hjá KR í sumar svo hann verði tekinn í liðið því aðeins spurninng um peninga mun hafa latt forráðamenn KR-sports til að ganga til samninga við drenginn.
Er ekki að efa að Kjartan mun reynast KR-ingum sú lyftistöng sem liðið hefur vantað í fyrstu þremur leikjunum, því strákurinn er óhræddur uppi við mark andstæðinganna.
West Ham telur sig verja fjármunum sínum vel með því að veðja á Kjarra.

Elmar í hópi Celtic í bikarúrslitaleiknum