Af Eyjunni

Heilbrigðiskerfið á Íslandi það 8. besta í Evrópu

landspitaliHeilbrigðiskerfið á Íslandi er það 8. besta í Evrópu, samkvæmt nýrri úttekt Health Consumer Powerhouse (HCP). Samkvæmt úttektinni er Ísland fyrir ofan Svíþjóð og Danmörku á listanum.

HCP birtir árlega lista yfir frammistöðu heilbrigðiskerfa, svokallaðan Euro Health Consumer Index, í 35 Evrópulöndum. Úttektin tekur til 48 þátta heilbrigðiskerfisins, svo sem réttindi sjúklinga, aðgang að umönnun, árangur meðferða, fjölbreytni þjónustu, forvarna og fleira. Gefin eru stig fyrir hvern þátt og geta löndin fengið einkunn á bilinu 0 til 1000.

Samkvæmt þessu er besta heilbrigðiskerfið í Hollandi sem skorar 916 stig af þúsund mögulegum. Þar á eftir koma Sviss (894), Noregur (854), Finnland (8745) og Belgía (836).

Neðst á listanum eru Svartfjallaland (484), Pólland (523) og Albanía (524).

Ísland er í áttunda sæti listans með 825 stig, mitt á milli Þýskalands (828) og Danmerku (793). Svíþjóð (786) er svo í 10. sæti listans. Ísland skorar hæst allra landa, ásamt Noregi og Hollandi, í flokknum árangur meðferða. Þrátt fyrir að skora sjö stigum hærra en í fyrra fellur Ísland um eitt sæti á listanum á milli ára.

Almennt hafa gæði heilbrigðiskerfa í Evrópu aukist á undanförnum árum þrátt fyrir áskoranir eins og fjármálakreppu og hærri lífaldur íbúa. Til að mynda var Frakkland á toppi listans árið 2006 með 768 stig. Sú einkunn hefði skilað 13. sæti á listanum í ár.

Þurfa að hlusta á vilja fólksins

Athugasemdir

[Erla Magna Alexandersdóttir, 27.1.2016 kl. 17:39]

Þeir hafa varla kynnt ser málið mjög vel.

 Landspítalinn og aðbúnaður þar er ekki bjóðandi veiku fólki

 Það ætti að loka honum af heilbrigðisyfirvöldum.