Einleikur

Frosti Sigurjónsson er iðinn við að gagnrýna ráðherra samstarfsflokksins opinberlega. Færi ekki betur á að hann setti sína gagnrýni fram innan veggja stjórnarheimilisins frekar en að ala á sundurlyndi þegar brýnt er að stjórnarflokkarnir standi þétt saman?

„Ávinningurinn langsóttur“

Athugasemdir

[Gunnar Heiðarsson, 17.1.2016 kl. 09:05]

Það má ganga út frá því sem vísu að Frosti hefur rætt þessi mál alvarlega innan ríkisstjórnar og nefnda Alþingis. Frosti fer ekki með mál í fjölmiðla fyrr en allt annað hefur verið reynt til þrautar, ólíkt sumum öðrum stjórnmálamönnum.

Hitt er svo annað mál að hugsanlega hefði verið sterkari leikur hjá honum að opinbera þennan ágreining fyrr, að opinbera þetta óráð ríkisstjórnarinnar áður en svona langt var komið.

Þjóðin hlýtur að eiga heimtingu á að vita hvað þarna er í gangi, eiga heimtingu á að vita hver ávinningur Íslands er af þátttöku í fjárfestingabanka hinu megin á hnettinum, fjárfestingabanka sem einungis mun starfa í Asíu. Þegar verið er að skuldbinda ríkissjóð upp á milljarða, á þjóðin fulla heimtingu á að fá staðreyndir málsins upp á borð.

[Axel Jóhann Hallgrímsson, 17.1.2016 kl. 19:18]

Mig minnir að fyrir ekki margt löngu hafi það verið talin dygð á þessu bloggi þegar menn deildu á samstarfsflokk sinn í ríkisstjórn.