Farið betur með eigur almennings

Hús sem hýsa hinar ýmsu deildir Landspítalans liggja undir skemmdum. Um er að kenna lélegu eftirliti og handvömm. Krafa almennings er að starfsmenn spítalans fari betur með það sem þeim er treyst fyrir.

„Vatn fossaði niður um sprungur“

Athugasemdir

[Hrólfur Þ Hraundal, 4.12.2015 kl. 22:01]

Íslenskir arkitektar sækja menntun sína gjarnan þangað sem engu skiptir hvernig snýr þá pissað er og hefur mörg krónan fokið útí vindinn og runnið til sjáfar um gólf vegna snilldar þeirra.  Allnokkur þekking og kunnátta er til viða um land á því hvernig skuli bregðast við veður breytingum til að húsbúnaður fljóti ekki á brott.

Sum þök þarf að ryðja um leið og fer að snjóa og önnur þarf að vakta í frosti, því ævinlega hlánar um síðir.  Allt er þetta hægt að laga með því að setja á húsin gamaldags þök en þá er við heilagann arkitektinn að eiga og það er oft erfiðara en við snobbaðan andskota.

Hitt er svo annað mál að við allar opinberar byggingar verður að vera húsvörður með vit og samvisku, maður sem lítur eftir og sér til þess að lagfæra eða láta lagfæra það sem aflaga fer.  Hann þarf að þekkja húsið og skilja hættur sem að því geta steðjað.    

[P.Valdimar Guðjónsson, 4.12.2015 kl. 22:18]

Það kom nú fram í kvöldfréttunum (heyrði reyndar sjónavarpsfréttir í útvarpi)   að þetta hafði nú hvorki með að gera  viðhald né fjármagn.      Þarna er óvenju mikið álag  og kolröng hönnun byggingarinnar.    Vatnið á enga aðra greiða leið í svona öfga tilfelli. Fréttamaður ætlaði að spyrja hinnar "venjulegu"  spurningar um vöntun á fjármagni.

Nýi forstjórinn var líka fljótur að  snúa þessu uppí það sama.   Alveg embættismaður af guðs náð hvað það varðar.  (Kominn í hár við formann fjárveitinganefndar eins og allir vita).

Án þess að ég sjái eftir krónu til Landspítalans.

[Sigurður Helgi Magnússon (IP-tala skráð) 5.12.2015 kl. 01:49]

Frekar einkennilegt að kenna starfsfólki spítalans um þetta.