Einkennisklæddur lögreglumaður á merktum bíl margbrýtur lög.

Í gærkvöldi var ég að vinna og ók frá Mjóddinni á áætlun kl. 22:46 í vesturátt.
Ég fór um sérmerkta strætóleið frá Mjóddinni út á Reykjanesbrautina. Á eftir mér kom merkt lögreglubifreið þessa sérmerktu leið.
Einn lögreglumaður var í bílnum og ók hann yfir óbrotna línu. Sem hendi veifað rauk hann fram úr mér og sá ég að lögreglumaðurinn hafði ekki spennt beltið og var óðara kominn á um 80 km. hraða.

Fimmta brot löggæslumannsins á u.þ.b. 60 sekúndum sá ég er hann fór á 80-90 km. hraða yfir gatnamót Reykjanesbrautar og Bústaðavegar á rauðu ljósi.

Ef löggæslumaðurinn hefði notað bláu viðvörunarljósin hefði ég ekki séð ástæðu til að skrifa þessa stuttu sögu.

Harður árekstur í Reykjanesbæ

Athugasemdir

[Bjarni Þór Björgvinsson (IP-tala skráð) 14.5.2007 kl. 16:27]

Sæll Heimir, þetta er nú ekkert nýtt, við sem keyrum þetta 8-11 tíma á dag tökum eftir svona keyrslulagi hjá yfirvaldinu næstum daglega!

[Jórunn Sigurbergsdóttir , 14.5.2007 kl. 22:04]

Já  og svo  eiga þeir að gefa gott fordæmi.

[Heimir Lárusson Fjeldsted, 15.5.2007 kl. 01:24]

Ég er farinn að halda, reyndar veit ég það að löggæslumenn þyrftu að koma á fót umferðarfræðslu innandyra á Hverfisgötunni, svo ótrúlegt sem það virðist.