Einu farþegaflutningstækin þar sem ekki þarf meirapróf

Unga fólkið sem ekur tuk tuk um götur borgarinnar hefur fengið undanþágu að aka með farþega sem ekki er til í lögum eftir því sem best verður séð. 

Ég sá unga stúlku í gær aka með farþega um borgina og skrifaði ótt og títt skilaboð á símann sinn eða ritgerð eða hvað veit ég. Farþegarnir hrópuðu á hana þegar hún var nærri búin að aka á fótgangandi á gangbraut við Kirkjustrætið.

Ég trúi því ekki fyrr en ég tek á því að farið sé að lögum varðandi réttindi ökumanna tuktukanna.

Þú keyrir ekki rútu eða leigubíl nema eftir ítarleg námskeið margskonar próf.

Hvaða reglur gilda um þessa fólksflutninga? 

Á Tuk Tuk um götur borgarinnar

Athugasemdir

[Guðmundur Ásgeirsson, 16.6.2015 kl. 01:57]

Einfalt mál: Þetta hlýtur að vera leyfisskylt eins og hver annar leigubílaakstur.

Sé ökumaður ekki með réttindi til leiguaksturs ber lögreglu að stöðva hann, rétt eins og um próflausan ökumann sé að ræða.

[Heimir Lárusson Fjeldsted, 16.6.2015 kl. 04:00]

Ég vil fá þetta útskýrt, því fréttum var sagt að Samgöngustofa hafi veitt leyfi.

[Guðmundur Ásgeirsson, 16.6.2015 kl. 09:57]

Hafa þessir aðilar semsagt sótt um og fengið úthlutað leyfi til að reka leigubílastöð?

Eða var sagt frá því í fréttum að Samgöngustofa hefði samþykkt ökutækin til skráningar?

Augljóslega ekki sami hlutur, þú skilur það vonandi.

[Heimir Lárusson Fjeldsted, 17.6.2015 kl. 03:38]

Líklega er um þrennt að ræða Guðmundur; rekstur leigubílastöðvar, skráning hvers ökutækis fyrir sig, og ökukeyfi hlutaðeigandi, þ.e. leyfi til að aka með fólk gegn gjaldi.