Hevíti hart

Það er helvíti hart að hafa vitað af krabbameini í lunga í fimm mánuði og bíða eftir nauðsynlegri skurðaðgerð að fá svo verkfall BHM ofaní önnur verkföll og skæruhernaði.

Þegar almennileg ríkisstjórn er loksins komin til valda er eins og öll verkalýðsfélög fyllist bjartsýni og ætli að sækja gull í greipar.

Sjúkratryggingar Íslands þurfa að huga að þjónustu fyrir okkur sem erum löngu tilbúin í aðgerð að fá þjónustu fyrir okkur hjá siðmenntaðri nágrannaþjóð.

 

Víðtæk áhrif strax frá fyrsta degi

Athugasemdir

[Sigurður Helgi Magnússon (IP-tala skráð) 4.4.2015 kl. 18:42]

Það er helvíti hart að sitja uppi með verklausa ríkisstjórn

[Heimir Lárusson Fjeldsted, 4.4.2015 kl. 19:40]

Sigurður Helgi. Þakka þér ákaflega þarft innlegg.

[Helga Kristjánsdóttir, 5.4.2015 kl. 01:26]

Væri ekki hægt að fá undanþágu í sérstökum tilfella? Sérstakt hvað læknar eru færir og  gengur vel að lækna lungnakrabba að minnsta kosti hjá þeim 2 konum semég þekki. Gangi þér vel. 

[Sigurbjörg Eiríksdóttir, 5.4.2015 kl. 08:35]

Gangi þér sem allra best. Vona að hætt verði við þessi verkföll. Mér finnst að það eigi ekki að vera verkfallsréttur í heilbrigðisþjónustu. Kjaradómur ætti að leysa þar vandamál.

[Heimir Lárusson Fjeldsted, 5.4.2015 kl. 09:43]

Helga, ég er örugglega ekki einn á biðlista og þessvegna leyfi ég mér að skrifa svona, því um leið vek ég máls á óþolandi bið annarra.

Ég hef fengið áður krabba í sama lunga, þá var tekinn hluti.

Þakka þér athugasemdina og gleðilega Páska :)

[Heimir Lárusson Fjeldsted, 5.4.2015 kl. 09:47]

 Silla, þakka þér góðar óskir. Líklega er það rétt hjá þér að betra sé að kjaradómur leysi launamál heilbrigðisstéttanna, en svona er ástandið núna.

Mér finnst að ríkið verði að vera með plan B og senda okkur utan til aðgerða. Við getum greitt fargjaldið sjálf, en Sjúkratryggingar spítalavistina og viðgerðarkostnaðinn.

Eins og staðan er í dag trúir varla nokkur maður að ég sé að segja satt!

[Bárður Örn Bárðarson, 5.4.2015 kl. 12:06]

Gangi þér vel vinur í því stríði sem fyrir höndum er. Nógu erfið er þessi ganga þó maður sé ekki með stopp á leiðinni vegna verkfalla.

[Heimir Lárusson Fjeldsted, 5.4.2015 kl. 14:12]

Þakka þér fyrir vinur. Þú þekkir þetta.