Sjúkratryggingar endurskoði starfshætti

Í nágrannalöndum okkar eru biðlistar mun styttri eftir aðgerðum en hér tíðkast, sérstaklega um þessar mundir.

Fjölmargir sem bíða eftir aðgerð hér á landi gætu hæglega fengið svía til að mynda til að sinna nauðsynlegum læknisaðgerðum, en hafa ekki efni á að greiða þær úr eigin vasa.

Sjúkratryggingar Íslands taka ekki þátt í þeim kostnaði nema að ekki sé hægt að framkvæma aðgerðina hér á landi.

Hvenær er það hægt og hvenær ekki?

„Sjúklingar deyja að óþörfu“

Athugasemdir

[Rafn Haraldur Sigurðsson (IP-tala skráð) 3.12.2014 kl. 21:34]

Eins og staðan er í dag þá er ekki hægt að framkvæma þær hér. Tækin eru ónýt og læknar neita að hlúa að sjúklingum.

[corvus corax, 3.12.2014 kl. 23:40]

Það er alrangt hjá Rafni Haraldi hér fyrir ofan að læknar neiti að hlúa að sjúklingum, beinlínis atvinnurógur að láta svona frá sér fara. Varðandi umræðuna um Sjúkratryggingar hjá bloggara er það að segja að sú stofnun hefur nú minnst með þetta að gera. Vandinn er gríðarlegur og skrifast alfarið á núverandi ríkisstjórn, þar er fólkið sem ekki vill hlúa að sjúklingum eða heilbrigðiskerfinu yfirleitt. Þeim er mikilvægara að færa sægreifunum nokkra milljarða að gjöf en að tryggja virkni heilbrigðiskerfisins.

[Heimir Lárusson Fjeldsted, 4.12.2014 kl. 07:53]

Auðvitað neita læknar ekki að hlúa að fólki, þeir komast bara ekki yfir öll þau verkefni sem bíða þeirra vegna mannfæðar og verkfallsaðgerða.

Á meðan ásstandið er sem raun ber vitni um, tel ég að Sjúkratryggingar þurfi að endurskoða afstöðu sína til greiðsluþátttöku í aðgerðum erlendis.

[Gestur Páll Reynisson, 4.12.2014 kl. 18:58]

Afstaðan er stjórnmálamannana en ekki stofnunarinnar sem ber að starfa skv. lögum og reglugerðum.

[Sigurbjörg Eiríksdóttir, 4.12.2014 kl. 22:59]

Ef ekki verður breyting á fækkar Íslendingum með mun meiri hraða. Fólk flýr landið og fleiri fá ekki þá aðhlynningu sem þeir þarfnast. Ég vil einhverskonar læknasátt. Ég er tilbúin af mínum aumu tekjum að leggja til einhverjar % til að læknar verði heima og hinir sem úti eru komi heim!